મોરબીના જેપુર ગામ પાસે કારખાનામાં પતરા ઉપરથી નીચે પડેલ યુવાનનું સારવાર દરમ્યાન મોત
SHARE
JOIN OUR GROUP
મોરબીના જેપુર ગામ પાસે કારખાનામાં પતરા ઉપરથી નીચે પડેલ યુવાનનું સારવાર દરમ્યાન મોત
મોરબીના નવલખી રોડ ઉપર આવેલ જેપુર ગામની સીમમાં કાવઠીયા સેરા નામના કારખાનામાં પતરા ઉપર કામ કરતી વખતે કોઈ કારણોસર અકસ્માતે તે યુવાન ઉપરથી નીચે પટકાયો હતો જેથી કરીને તેને ઇજા થઈ હોવાથી તેને સારવારમાં લઈ ગયા હતા અને ચાલુ સારવાર દરમિયાન તે યુવાનનું મોત નીપજયું છે જેથી કરીને અકસ્માત મૃત્યુના બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરેલ છે
બનાવી જાણવા મળતી માહિતી મુજબ મોરબીના મહેન્દ્રનગર ગામ પાસે આવેલ ઇન્દિરાનગરમાં રહેતો મનુભાઈ કાળુભાઈ સરવૈયા (૩૧) નામનો યુવાન મોરબી નવલખી રોડ ઉપર આવેલ જેપુર ગામની સીમમાં કાવઠીયા સેરા નામના કારખાનામાં કામ કરતી વખતે પતરા ઉપરથી અકસ્માતે નીચે પડી ગયો હતો જેથી કરીને તે યુવાનને તાત્કાલિક સારવાર માટે મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં હોસ્પિટલ ખાતે ચાલુ સારવાર દરમિયાન તે યુવાનનું મોત નીપજયું હતું જેથી કરીને મૃતક યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈ જવામાં આવ્યો હતો અને અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની પ્રાથમિક તપાસ મોરબી તાલુકા પોલીસ સ્ટેશનના મનીષભાઈ બારૈયા દ્વારા કરવામાં આવેલ છે
અકસ્માતમાં ઇજા
મોરબીના હળવદ રોડ ઉપર આવેલ આંદરણા ગામ પાસે વાહન અકસ્માતો બનાવ બનેલ હતો જેમાં અજાણ્યા ૩૦ વર્ષના યુવાનને ઇજા થયેલ હતી જેથી કરીને ઇજા પામેલ યુવાનને સારવાર માટે ૧૦૮ મારફતે પ્રથમ મોરબીની સરકારી હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ જે.પી. પટેલ દ્વારા કરવામાં આવેલ છે
