મોરબીની જાણીતી વી.સી. હાઇસ્કુલમાં ધો.૧૨ સુધીનો અભ્યાસ કર્યો હતો ત્યાર બાદ મોરબીની જી.જે.શેઠ કોમર્સ કોલેજ ખાતે પોસ્ટ ગ્રેજ્યુએશન (એમ.કોમ.) સુધીનો અભ્યાસ કર્યો હતો અને બાદ બી.એડ્.ની પદવી મેળવીને અમુક વર્ષો સુધી શિક્ષણ ક્ષેત્રે કામગીરી કરી હતી અને વર્ષ ૨૦૦૮ થી મીડિયા ક્ષેત્રે આવીને સૈારાષ્ટ્રના જાણીતા અને રાજકોટથી પ્રસિદ્ધ થતાં "સાંજ સમાચાર" માં કાર્યરત છીએ અને સાથોસાથ હવે મોરબી ટુડેના માધ્યમથી પણ મોરબીના પ્રાણ પ્રશ્નોને તંત્ર સમક્ષ ઉજાગર કરીને મોરબીવાસીઓની સુખાકારીમાં વધારો થાય તે મારુ વિઝન છે.

અભ્યાસ કાળથી જ કંઈક અલગ કરવાની ઈચ્છા સાથે રૂટિન અભ્યાસક્રમમાં આગળ વધવાના બદલે જર્નાલિઝમનો પંથ પકડીને વર્ષ ૨૦૦૫થી પત્રકાર તરીકેની પત્રકારત્વ ક્ષેત્રે કારકિર્દી શરૂ કરી હતી અને આજ સુધીમાં સાંજ સમાચાર, ટીવી નાઇન અને ઝી ૨૪ કલાક સહિતના સમાચાર માધ્યમો સાથે કામ કરવાનો બહોળ અનુભવ છે ત્યારે હવે મોરબી જીલ્લાના લોકો માટે વધુ એક મોરબી ટુડે ના માધ્યમથી પણ લોકોના પ્રશ્નો ઉકેલવા માટે હંમેશા અડીખમ ઉભા રહેવાની મારી તમામ તૈયારી છે.