મોરબીના રાજપર નજીકથી મળેલ મૃતક યુવાનની ઓળખ મેળવવા તજવીજ

મોરબી તાલુકાના રાજપર ગામની સીમમાં વાડીની બાજુમાંથી કોઈ અજાણ્યા યુવાનનો મૃતદેહ મળી આવ્યો છે જેથી કરીને તેની બોડીને પીએમમાં લઈ ગયા હતા અને મૃતક યુવાનની ઓળખ મેળવવા માટે થઈને તાલુકા પોલીસની ટીમ દ્વારા તપાસ હાથ ધરવામાં આવી છે

જાણવા મળતી માહિતી મુજબ મોરબી તાલુકાના રાજપર ગામની સીમમાં બાબુભાઈ ધરમશીભાઈ મોરજાની વાડીની બાજુમાં કોઈ અજાણ્યા યુવાનનો મૃતદેહ પડ્યો હોવા અંગેની રજનીકાંતભાઈ ગામીએ મોરબી તાલુકા પોલીસ સ્ટેશન ખાતે જાણ કરી હતી જેથી કરીને તાલુકા પોલીસ સ્ટેશનના ફિરોજભાઈ સુમરા સહિત તેઓની ટીમ ત્યાં ઘટના સ્થળે પહોંચી હતી અને મૃતક યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને મૃતક યુવાનની ઓળખ મેળવવા માટે થઈને હાલમાં જુદી જુદી દિશામાં તાલુકા પોલીસની ટીમ દ્વારા તપાસ હાથ ધરવામાં આવી છે તેવી માહિતી ફિરોજભાઈ સુમરા પાસેથી જાણવા મળેલ છે.