માળીયા (મી)ના સરવડ ગામે ઘરમાં જુગારની રેડ પકડતા નાસભાગ: 3 પકડાયા-7 ફરાર

માળીયા મીયાણા તાલુકાના સરવડ ગામમાં રહેણાંક મકાનમાં જુગારની રેડ કરવામાં આવી હતી ત્યારે ત્યાં સ્થળ ઉપર જુગાર રમી રહેલા શખસોમાં નાસ ભાગ મચી ગયેલ હતી જો કે, પોલીસે સ્થળ ઉપરથી ત્રણ શખ્સોની 10,020 રૂપિયાની કિંમતની રોકડ સાથે ધરપકડ કરેલ છે અને નાસી છૂટેલા 7 શખ્સોને પકડવા માટે તજવીજ હાથ ધરી છે

માળીયા મીયાણા તાલુકા પોલીસ સ્ટેશનની ટિમ પેટ્રોલિંગમાં હતી ત્યારે સરવડ ગામે રહેતા ગોવિંદભાઈ મુછડીયાના રહેણાંક મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમી રહેલા શખસોમાં નાસભાગ મચી ગઈ હતી જોકે, પોલીસે રેડ કરી હતી ત્યારે સ્થળ ઉપરથી ઘરધણી ગોવિંદભાઈ ભનાભાઇ મુછડીયા (58) તથા દાઉદભાઈ અસ્માલભાઇ કુકડ (53) અને અરવિંદ ઉર્ફે કારૂ નાનજીભાઈ સરડવા (52) રહે. બધા સરવડ વાળા ઝડપાઈ ગયા હતા અને તેની પાસેથી 10,020 રૂપિયાની રોકડ પોલીસ દ્વારા કબજે કરવામાં આવી હતી જોકે પોલીસ દ્વારા રેડ કરવામાં આવી હતી ત્યારે સ્થળ ઉપરથી પુનિતભાઈ પ્રભુભાઈ સરડવા, ધનજીભાઈ દેવજીભાઈ સરડવા, કનુભાઈ હરિભાઈ મુછડીયા, કાળુભાઈ ભગાભાઈ મુછડીયા, અશોકભાઈ રતિભાઈ મોરડીયા, સુલતાનભાઇ સુમારભાઇ જેડા અને સુખદેવભાઈ ગજુભાઈ પરમાર નાસી છૂટેલ હોય માળીયા મિયાણા તાલુકા પોલીસ સ્ટેશન ખાતે કુલ 10 શખ્સોની સામે જુગારનો ગુનો નોંધવામાં આવ્યો છે અને બાકીના સાત આરોપીઓને પકડવા માટેની તજવીજ ચાલી રહી છે.