માળીયા (મી)ના સરદારનગર પાસે વાહનની રાહ જોઈને ઉભેલા યુવાનને ટ્રક ચાલકે હડફેટે લેતા અકસ્માત

માળીયા મીયાણા તાલુકાના જામનગર હાઇવે રોડ ઉપર આવેલ સરદાર નગર ગામના પાટીયા પાસે આધેડ મહિલા તથા તેના દીકરો બંને વાહનની રાહ જોઈને ઉભા હતા ત્યારે ટ્રકના ચાલકે તે મહિલાના દીકરાને હડફેટે લેતા યુવાનને ઢીંચણ, માથા, હથેળી અને શરીરે નાના મોટી ઈજા થઈ હોવાથી તેને સારવાર માટે લઈ ગયા હતા અને ત્યારબાદ હાલમાં ઈજા પામેલા યુવાનના માતાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

માળીયા મીયાણા તાલુકાના બોડકી ગામે રહેતા રોશનબેન સલેમાનભાઈ કેડા (55)એ હાલમાં ટ્રક નંબર જીજે 12 એઝેડ 9661 ના ચાલક સામે ફરિયાદ નોંધાવેલ છે જેમાં જણાવ્યુ છે કે, માળિયા જામનગર હાઇવે રોડ પર આવેલ સરદારનગર ગામ પાસે હનુમાનજીના મંદિરની સામેના ભાગમાં હાઇવે રોડના વળાંક પાસે તેઓ તથા તેનો દીકરો એઝાદ બંને રોડ સાઈડમાં વાહનની રાહ જોઈને ઉભા હતા ત્યારે ટ્રક ચાલકે ફરિયાદીના દીકરાને હડફેટે લેતા તે ફંગોળાઈ ગયો હતો અને ફરિયાદીના દીકરાને જમણા પગના ઢીચણ, માથા, ડાબા હાથની હથેળી અને શરીરે નાના મોટી ઈજાઓથી થઈ હતી જેથી તેને ઇજાગ્રસ્ત હાલતમાં સારવાર માટે હોસ્પિટલે લઈ ગયા હતા અને આ બનાવની મહિલાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છ

મહિલા સારવારમાં

મોરબીના ત્રાજપર વિસ્તારમાં રહેતા પ્રત્યાસાબેન પ્રશાંતસિંગ 28 નામના મહિલાએ કોઈ લિક્વિડ પી લીધું હતું જેથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે

આધેડને ઇજા

મોરબીના આમરણ ગામે આવેલ શાંતિવન સ્કૂલ પાસે રહેતા મોહનભાઈ ચમનભાઈ પરમાર (50) નામના આધારે વીસીપરા વિસ્તારમાં અકસ્માતનો બનાવ બન્યો હતો જેમાં પગે તથા શરીરે ફ્રેક્ચર જેવી ઈજા થઈ હતી જેથી તેને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી હતી.