માળીયા (મી)ના દેવગઢ ગામે ઘરમાંથી દારૂની 59 બોટલ સાથે આરોપીની ધરપકડ

માળીયા (મી)ના દેવગઢ ગામે રહેણાંક મકાનમાં દારૂની રેડ કરવામાં આવી હતી ત્યારે ત્યાંથી 59 બોટલ દારૂ મળી આવ્યો હતો જેથી પોલીસને 23,466 ની કિંમતનો દારૂ કબજે કર્યો હતો અને આરોપીની ધરપકડ કરી તેની સામે માળિયા તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે.

મોરબી જિલ્લા એલસીબીની ટિમ પેટ્રોલીંગમાં હતી ત્યારે માળીયા તાલુકાના દેવગઢ ગામે રહેતા આશિષ સવસેટાના ઘરની અંદર દારૂનો જથ્થો હોવાની હકીકત મળી હતી જેથી પોલીસે તેના ઘરની અંદર દારૂની રેડ કરી હતી ત્યારે સ્થળ ઉપરથી દારૂની 59 બોટલો મળી આવી હતી જેથી પોલીસે 23,466 રૂપિયાની કિંમતનો દારૂનો જથ્થો કબજે કર્યો હતો અને આરોપી આશિષ વાલાભાઈ સવસેટા (20) રહે. દેવગઢ તાલુકો માળીયા વાળાની ધરપકડ કરી તેની સામે માળિયા મીયાણા તાલુકા પોલીસ સ્ટેશન ખાતે ગુનો નોંધવામાં આવ્યો છે અને શખ્સ પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં આગળની તપાસ માળિયા તાલુકા પોલીસ સ્ટેશનના એસ.કે.બાલાસરા ચલાવી રહ્યા છે

દારૂની સાત બોટલ સાથે એક પકડાયો

ટંકારા તાલુકાના જબલપુર ગામના પાટીયા પાસેથી પસાર થયેલ શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની નાની સાત બોટલો મળી આવી હતી જેથી પોલીસે 980 ની કિંમતનો જથ્થો કબજે કર્યો હતો અને આરોપી શૈલેષ મનસુખભાઈ કાસુન્દ્રા (36) રહે. જબલપુર તાલુકો ટંકારા વાળાની ધરપકડ કરી હતી અને તેની સામે ટંકારા તાલુકા પોલીસ સ્ટેશન ખાતે ગુનો નોંધીને આ શખ્સ પાસેથી મળી આવેલ દારૂની બોટલ તે ક્યાંથી લાવ્યો હતો તે દિશામાં તપાસ શરૂ કરી છે