માળીયા (મી)માં ઘર પાસેથી દારૂની નાની 20 બોટલ-બિયરના 10 ટીન સાથે એકની ધરપકડ: મોરબીમાં જુગાર રમતા ત્રણ પકડાયા

માળીયા મીયાણામાં સંઘના પંપની પાસે રહેતા શખ્સ પાસે દારૂ બિયરનો જથ્થો હોવાની હકીકત મળી હતી જેના આધારે પોલીસે આરોપીના રહેણાંક મકાનની પાછળના ભાગમાં બાવળની કાંટમાં દારૂની રેડ કરી હતી ત્યારે સ્થળ ઉપરથી દારૂની નાની 20 બોટલ તથા બિયરના 10 ટીન મળી આવ્યા હતા જેથી કરીને પોલીસે દારૂડિયાનો જથ્થો કબજે કર્યો હતો અને આરોપીની ધરપકડ કરી આગળની કાર્યવાહી હાથ ધરી છે

જાણવા મળતી માહિતી મુજબ માળિયા (મી) તાલુકા પોલીસ પેટ્રોલિંગમાં હતી ત્યારે માળિયામાં સંઘના પંપ પાસે રહેતા સલીમ મોવર પાસે દારૂનો જથ્થો હોવાની હકીકત મળી હતી જેના આધારે પોલીસે તેના રહેણાંક મકાનની પાછળના ભાગમાં બાવળની કાટમાં દારૂની રેડ કરી હતી ત્યારે સ્થળ ઉપરથી બિયરના 10 ટીન મળી આવ્યા હતા તેમજ દારૂની નાની 20 બોટલો મળી આવતા પોલીસે દારૂ બિયરનો 2710 ની કિંમતનો મુદ્દામાલ કબજે કર્યો હતો અને આરોપી સલીમ અકબરભાઈ મોવર (38) રહે. માળિયા (મી) વાળાની ધરપકડ કરી હતી અને તેની સામે માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

દેશી દારૂનો આથો

હળવદ તાલુકાના જૂના દેવળીયા ગામે રહેણાંક મકાનમાં દારૂની રેડ કરવામાં આવી હતી ત્યારે ત્યાં સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો 200 લીટર આથો મળી આવ્યો હતો જેથી કરીને પોલીસે 5,000 રૂપિયાની કિંમતનો મુદ્દામાલ કબજે કર્યો હતો જો કે, આરોપી વિપુલ દિનેશભાઈ મકવાણા રહે. જુના દેવળીયા તાલુકો હળવદ વાળો હાજર ન હોવાથી પોલીસે તેની સામે હળવદ તાલુકા પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરી છે

જુગાર રમતા પકડાયા

મોરબીના વીસીપરામાં આવેલ રણછોડનગરમાં ભૂદેવ ડેરી પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી સોહિલ જુમાભાઇ સુમરા (20), મનીષ પ્રવીણભાઈ ચાવડા (40) અને પાર્થ ઉર્ફે ચિરાગ દિનેશભાઈ અસ્વાર (24) રહે. બધા વીસીપરા વાળા જુગાર રમતા મળી આવ્યા હોય પોલીસે તેની પાસેથી 4,120 ની રોકડ કબજે કરી હતી અને જુગારધારા હેઠળ ગુનો નોંધી આગળની કાર્યવાહી હાથ ધરી છે