મોરબીના ત્રણ સિરામિક કારખાનામાં પેટકોક વપરાતું હોય ક્લોઝર નોટિસ ફટકારી વીજ કનેક્શન કટ કર્યા: જીપીસીબી મોરબીના નવલખી રોડે કાચા-પાકા દબાણો ઉપર બુલડોઝર ફેરવી દીધું: ગેરકાયદે મકાનોને અપાશે નોટિસ મોરબી તાલુકા વિસ્તારમાં આંટાફેરા કરતો દીપડો ચકમપર ગામેથી પાંજરે પુરાયો મોરબીના આમરણ પાસે ખાનગી બસ પલ્ટી જતા મહેસાણાથી દ્વારકા પુનમ નિમિતે દર્શને જતાં 35 પૈકીનાં 17 સ્ત્રી-પુરૂષોને ઇજા થતાં સારવારમાં માળીયા (મી)ના દેરાળા ગામે ઝેરી દવા પી ગયેલ પરણીતાનું સારવાર દરમ્યાન મોત વાંકાનેરમાં ટ્રેન આડે પડતું મૂકીને આધેડે જીવન ટૂંકાવ્યું વાંકાનેરની મીલ સોસાયટીમાં જાહેરમાં જુગાર રમતા પાંચ શખ્સ પકડાયા મોરબી OSEM CBSE સ્કુલના કોમર્સના વિદ્યાર્થીઓએ બેંકની મુલાકાત લીધી
Breaking news
Morbi Today

વાંકાનેરમાં ઇકોમાં પેસેન્જર ભરવા બાબતે અગાઉ થયેલ ઝઘડાનો ખાર રાખીને યુવાન ઉપર ત્રણ શખ્સનો છરી-લાકડી વડે હુમલો


SHARE













વાંકાનેરમાં ઇકોમાં પેસેન્જર ભરવા બાબતે અગાઉ થયેલ ઝઘડાનો ખાર રાખીને યુવાન ઉપર ત્રણ શખ્સનો છરી-લાકડી વડે હુમલો

 

વાંકાનેરમાં જીનપરા જકાતનાકા પાસે નેશનલ હાઈવે રોડ ઉપર પેટ્રોલ પંપ સામે પેસેન્જર ભરવા બાબતે ઇકો ગાડીના ચાલકો વચ્ચે થોડા દિવસો પહેલા બોલાચાલી અને માથાકૂટ થઈ હતી જે બાબતનો ખાર રાખીને યુવાન પોતાની ઇકો ગાડીમાં પાછળની સીટમાં બેઠો હતો ત્યારે બીજી ઇકો ગાડીમાં આવેલા ત્રણ વ્યક્તિઓ દ્વારા તેના ઉપર છરી અને લાકડી વડે હુમલો કરવામાં આવ્યો હતો અને યુવાનને માર મારીને ઇજા કરવામાં આવી હતી જેથી કરીને સારવાર માટે યુવાનને હોસ્પિટલે લઈ ગયા હતા અને સારવાર લીધા બાદ તેણે હાલમાં ત્રણ શખ્સોની સામે વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે

 

જાણવા મળતી માહિતી મુજબ વાંકાનેરના જીનપરા શેરી નં-૧૩ માં રહેતા ફેઝલ હુસેનભાઇ પીપરવાડિયા જાતે પીંજારા (૨૭)એ હાલમાં વાંકાનેર સીટી પોલીસ સ્ટેશન ખાતે બાબુભાઈ સરૈયા અને તેની સાથે આવેલા બે અજાણ્યા શખ્સો સહિત કુલ મળીને ત્રણ શખ્સની સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, વાંકાનેરના જીનપરા જકાતનાકા પાસે નેશનલ હાઈવે રોડ ઉપર ભારત પેટ્રોલ પંપની સામે ઇકો ગાડીમાં પેસેન્જર ભરવા બાબતે થોડા દિવસો પહેલા બોલાચાલી અને ઝઘડો થયો હતો અને ફરિયાદી યુવાન પોતાની ઇકો ગાડીમાં પાછળની સીટમાં બેઠો હતો ત્યારે આરોપી બાબુભાઈ સરૈયા અગાઉના ઝઘડાનો ખાર રાખીને ઈકો ગાડી લઈને ત્યાં આવ્યા હતા અને ઇકો ગાડીમાંથી કુંડલી વાળી લાકડી લઈને આવીને ફરિયાદીને હાથે પગે માર માર્યો હતો તેમજ તેની સાથે રહેલા અન્ય એક વ્યક્તિએ પણ લાકડી વડે માર માર્યો હતો જોકે ત્રીજા શખ્સે તેની પાસે રહેલ છરી વડે ફરિયાદી યુવાનને ઢીચણ અને કોણી નીચેના ભાગામાં છરી વડે મારીને ઇજા કરી હતી જેથી કરીને ઈજા પામેલા હાલતમાં યુવાનને સારવાર માટે લઈ ગયા હતા અને સારવાર લીધા બાદ તેણે નોંધાવેલ ફરિયાદ આધારે પોલીસે હાલમાં બાબુભાઈ સરૈયા સહિતના ત્રણ શખ્સો સામે ગુનો નોંધી આરોપીઓને પકડવા માટે તજવીજ શરૂ કરી છે

 

બાઇક સ્લીપ

મોરબીના લાલપર ગામે રહેતા મોહનભાઈ ભોદરા (૩૦) નામનો યુવાન બાઈક લઈને ઉમિયા નગર વિસ્તારમાં મેલડી માતાજીના મંદિર પાસેથી ઢાળિયા ઉપરથી પસાર થયો હતો ત્યારે કોઈ કારણોસર બાઇક સ્લીપ થઇ જતા યુવાનને ઈજા થઇ હતીજેથી તેને સારવાર માટે મોરબીની ખાનગી હોસ્પિટલમાં લાવ્યા હતા અને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની પ્રાથમિક તપાસ જે જે ડાંગર દ્વારા કરવામાં આવે છે






Latest News