મોરબીના મહેન્દ્રનગર ગામે ભાઈને સ્કૂલે મૂકવા જવાનું કહીને ઘરેથી નીકળેલ યુવતી ગુમ

મોરબીના મહેન્દ્રનગર ગામે રહેતી યુવતી ભાઈને સ્કૂલે મુકવા જવાનું કહીને ઘરેથી નીકળી હતી અને ત્યારબાદ તે ઘરે પાછી આવી નથી જેથી ગુમ થયેલ યુવતીના પિતાએ મોરબી બી ડિવિઝન  પોલીસ સ્ટેશન ખાતે ગુમસુધાની ફરિયાદ આપતા પોલીસે તેની નોંધ કરીને ગુમ થયેલી યુવતીને શોધવા માટે તજવીજ હાથ ધરી છે.

મોરબી નજીકના મહેન્દ્રનગર ગામે સર્વોપરી સ્કૂલની પાસે રહેતા સંજયભાઈ મોહનભાઈ દેવાયતકા (42)એ મોરબી બી ડિવિઝન પોલીસ સ્ટેશન ખાતે તેમની દીકરી ધ્રુવિકાબેન સંજયભાઈ દેવાયતકા (18) ગત તા. 10/8 ના બપોરે 12:00 વાગ્યાના અરસામાં તેના ભાઈ ભાર્ગવને સર્વોપરી સ્કૂલે મૂકવા જવાનું કહીને નીકળી હતી ત્યારબાદ તે ઘરે પછી આવેલ નથી અને ગુમ થઈ ગયેલ છે જેથી કરીને ગુમ થયેલ યુવતીના પિતાએ નોંધાવેલ ગુમસુધા ફરિયાદના આધારે પોલીસે હાલમાં યુવતીને શોધવા માટે થઈને જુદી જુદી દિશામાં તપાસ શરૂ કરી છે

ગુમ થયેલ યુવતી-પરિણીતા મળી આવી

મૂળ ટંકારા તાલુકાના લજાઈ ગામના રહેવાસી અને હાલમાં મોરબી સિરામિક સિટી ખાતે રહેતા સમીક્ષાબેન ચંદુભાઈ ચાવડા (20) નામની યુવતી ઘરેથી કોલેજે જવાનું કહીને ગત તા. 4/8 ના રોજ નીકળી હતી અને ગુમ થઈ હતી જે યુવતી મળી આવેલ છે તેની પોલીસે નોંધ કરીને આગળની કાર્યવાહી હાથ ધરી છે જ્યારે મોરબીના વેજીટેબલ રોડ ઉપર આવેલ લાભનગર વિસ્તારમાં રહેતા શિલ્પાબેન સંજયભાઈ સાલાણી (23) નામની પરિણીતા ગત તા. 25/5 ના રોજ ગુમ થઈ હતી જે મળી આવતા તેની પોલીસે નોંધ કરી રાબેતા મુજબની કાર્યવાહી હાથ ધરી હતી