મોરબીના લખધીરપુર ગામે પતિ સાથે બોલાચાલી બાદ પરિણીતાએ અણધાર્યું પગલું ભર્યું
Morbi Today
ટંકારાના વાઘગઢ ગામે નિદ્રાધીન અવસ્થામાં જ હાર્ટ અટેકથી યુવાનનું મોત
SHARE
JOIN OUR GROUP
ટંકારાના વાઘગઢ ગામે નિદ્રાધીન અવસ્થામાં જ હાર્ટ અટેકથી યુવાનનું મોત
ટંકારા તાલુકાના વાઘગઢ ગામે રહેતો યુવાન રાત્રે પોતાના ઘરે સૂતો હતો અને ત્યારબાદ સવારે ઉઠ્યો ન હોવાથી તેને તાત્કાલિક ટંકારાની સરકારી હોસ્પિટલ ખાતે લઈ ગયા હતા અને ત્યાં ફરજ પરના ડોક્ટરે તેને જોઈ તપાસીને યુવાનનું હાર્ટ એટેકથી મોત થયું હોવાનું જાહેર કર્યું હતું અને આ બનાવ અંગેની હોસ્પિટલ મારફતે ટંકારા તાલુકા પોલીસને જાણ કરતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ ટંકારા તાલુકાના વાઘગઢ ગામે રહેતા દિનેશભાઈ અરજણભાઈ બોપલિયા જાતે પટેલ (૪૫) નામનો યુવાન રાત્રે પોતાના ઘરે સુતા બાદ સવારે ઉઠ્યો ન હતો જેથી ભુદરભાઈ મોહનભાઈ બોપલિયા જાતે પટેલ તેને લઈને ટંકારાની સરકારી હોસ્પિટલ ખાતે તાત્કાલિક આવ્યા હતા અને ત્યાં ફરજ પરના ડોક્ટરે જોઈ તપાસને યુવાનનું હાર્ટ અટેકથી મોત થયું હોવાનું જાહેર કર્યું હતું અને હોસ્પિટલ મારફતે ટંકારા તાલુકા પોલીસને બનવાની જાણ કરી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ આઇ.ટી. જામ દ્વારા કરવામાં આવેલ છે અને તેઓની સાથે વાત કરતાં તેમણે જણાવ્યું હતું કે, યુવાનને નિદ્રાધીન અવસ્થામાં જ હાર્ટ અટેક આવી જવાથી તેનું મોત નીપજ્યું છે જે અંગેની પોલીસે નોંધ કરી રાબેતા મુજબની કાર્યવાહી કરેલ છે
મહિલા સારવારમાં
મોરબીના વિસ્તારમાં આવેલ રોહીદાસપરા મેઇન રોડ ઉપર રહેતા પરમાર ક્રિષ્નાબેન હિરેનભાઈ (૨૪) નામની મહિલા એકટીવા લઈને મોરબી રાજકોટ હાઇવે રોડ ઉપર આવેલ લજાઈ ગામ નજીકથી પસાર થતા હતા ત્યારે બાપા સીતારામ હોટલ નજીક એકટીવા સ્લીપ થવાના કારણે અકસ્માત થયો હતો તેને સારવાર માટે મોરબીની શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પ્રથમ મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી જોકે અકસ્માતનો બનાવ ટંકારા તાલુકા પોલીસની હદમાં બનેલો હોવાથી ત્યાં આ બનાવની જાણ કરવામાં આવતા પોલીસે આગળની કાર્યવાહી કરેલ છે
