મોરબી શહેર-તાલુકા અને હળવદના ટીકર ગામે જુગારની 4 રેડમાં 3 મહિલા સહિત કુલ 16 પકડાયા

હળવદ તાલુકાના ટીકર ગામની સીમમાં, મોરબી નજીક આવેલ બ્રહ્મપુરી સોસાયટીમાં, મોજે મસ્તરામ હોટલની પાછળના તથા ઇન્દિરાનગરમાં જુગારની જુદીજુદી 4 રેડ કરી હતી જેમાં ત્રણ મહિલા સહિત કુલ મળીને 16 લોકો જુગાર રમતા મળી આવ્યા હતા જેથી પોલીસે તેઓને પકડીને સ્થાનિક પોલીસ સ્ટેશનમાં ગુના નોંધીને આગળની કાર્યવાહી કરી હતી.

હળવદ તાલુકાના ટીકર ગામની સીમમાં વાડીના શેઢે જાહેરમાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા રતિલાલ હરજીવનભાઈ સીણોજીયા (42) રહે. માનગઢ અને અનિલભાઈ રતિલાલ શેરસીયા (36) રહે. અજીતગઢ વાળા જુગાર રમતા મળી આવ્યા હોય પોલીસે તેની પાસેથી 23,700 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

મોરબીના નવલખી રોડ ઉપર આવેલ બ્રહ્મપુરી સોસાયટી શેરી નં. 2 માં જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા મયુરભાઈ વસંતભાઈ ચાવડા (34), હાર્દિકભાઈ ભરતભાઈ દવે (32), કેતનભાઇ મનસુખભાઈ પંડ્યા (49), સોનલબેન અશ્વિનભાઈ ચાવડા (45), લાભબેન વસંતભાઈ ચાવડા (54) અને દક્ષાબેન ધર્મેન્દ્રભાઈ ચાઉ (35) રહે બધા બ્રહ્મપુરી સોસાયટી વાળા જુગાર રમતા મળી આવ્યા હોય પોલીસે તેની પાસેથી 7,930 ની રોકડ કબજે કરી હતી અને મોરબી તાલુકા પોલીસ સ્ટેશન ખાતે ગુનો નોંધાયો છે 

મોરબીના હળવદ રોડ ઉપર આઈ.ટી.આઈ સામેના ભાગમાં મોજે મસ્તરામ હોટલની પાછળના ભાગે જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી ભાવેશભાઈ ધનજીભાઈ સાવરીયા (32), અજયભાઈ રમેશભાઈ સલાટ (24), પ્રકાશભાઈ ખેંગારભાઈ ડાભી (32) અને રમણીકભાઈ સાવરીયા (31) વાળા જુગાર રમતા મળી આવ્યા હોય પોલીસે 11,300 ની રોકડ સાથે તેની ધરપકડ કરી હતી 

મોરબીના ઇન્દિરાનગરમાં મેલડી માતાજીના ચોક પાસે જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી સુંદરજીભાઈ ગજુભાઈ સાતોલા (31), પ્રતાપભાઈ નથુભાઈ સાલાણી (22), સુખાભાઈ અમરશીભાઈ દેથરીયા (32) અને સમીર નજીરમહમદ સંધવાણી (20) રહે ઇન્દિરાનગર વાળા જુગાર રમતા મળી આવ્યા હોય પોલીસે 11,400 એ રોકડ સાથે તેની ધરપકડ કરી હતી.