મોરબીના નારણકા ગામે પતિ અન્ય છોકરી સાથે ફોનમાં વાત કરતો હોવાની શંકા રાખીને મહિલાએ ફોન તોડી નાખ્યો અને બાદમાં કર્યો આપઘાત

મોરબીના નારણકા ગામે વાડાની ઓરડીમાં રહેતા યુવાનની પત્નીને યુવાન કોઈ છોકરી સાથે ફોન ઉપર વાત કરે છે તેવી શંકા અને વહેમ હતો જેથી તેણે યુવાનના હાથમાંથી મોબાઇલ ફોન લઈને તોડી નાખ્યો હતો ત્યારબાદ પતિ પત્ની વચ્ચે બોલાચાલી થઈ હતી અને તે બાબતે લાગી આવતા મહિલાએ પોતાની જાતે ગળાફાંસો ખાઈ લીધો હતો જેથી તે મહિલાનું મોત નીપજયું હતું આ બનાવની મોરબી તાલુકા પોલીસ સ્ટેશન ખાતે જાણ કરવામાં આવી છે

મૂળ દાહોદ જિલ્લાના રહેવાસી અને હાલમાં મોરબી તાલુકાના નારણકા ગામે જીતેન્દ્રભાઈ મેરજાના વાડાની ઓરડીમાં રહેતા કૈલાસબેન દેવેન્દ્રભાઈ પસાયા નામના મહિલા વાળાને ઓરડીમાં હતા અને તેના પતિ ફોનમાં વાત કરતા હતા દરમિયાન કૈલાશબેનના પતિ કોઈ છોકરી સાથે ફોનમાં વાત કરતા હશે તેવી શંકા અને વહેમ રાખીને કૈલાશબેને તેના પતિ પાસેથી ફોન આંચકી લઈને ફોનને તોડી નાખેલ હતો અને તે બાબતે કૈલાસબેનને તેના પતિ સાથે બોલાચાલી થયેલ હતી જેનું તેઓને લાગી આવતા મહિલાએ પોતે પોતાની જાતે ગળાફાંસો ખાઈ લીધો હતો જેથી તેનું મોત નીપજયું હતું અને તેના મૃતદેહને હોસ્પિટલે લઈને આવ્યા હતા અને આ બનાવની અમિતભાઈ બોખાણી રહે. નારણકા વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.