મોરબી નજીક સિરામિક કારખાનામાં બોઈલરના ગરમ પાણીમાં પડી જતાં દાઝી ગયેલા યુવાનનું સારવારમાં મોત

મોરબીના ઘુટુ ગામની સીમમાં આવેલ સિરામિક કારખાનામાં યુવાન બોઇલર પાસે કામ કરી રહ્યો હતો ત્યારે પગ લપસી જવાના કારણે બોઇલરના ગરમ પાણીમાં યુવાન પડી ગયો હતો જેથી તે દાઝી ગયો હોવાથી યુવાનને સારવાર માટે હોસ્પિટલે લઇ ગયા હતા અને ત્યાં સારવાર દરમિયાન તે યુવાનનું મોત નીપજયું હતું જેથી મૃતક યુવાનના પરિવારજન દ્વારા આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ મધ્યપ્રદેશમાં રહેવાસી અને હાલમાં મોરબીના ઘૂટું ગામની સીમમાં આવેલ કજારીયા સિરામિક કારખાનામાં લેબર ક્વાર્ટરમાં રહેતો અને મજૂરી કામ કરતો ઉમેશભાઈ મુન્નાભાઈ રાવત (36) નામનો યુવાન ગત તા. 31/7 ના રોજ રાત્રિના દસેક વાગ્યાના અરસામાં કજારીયા સીરામીક કારખાનામાં કામ કરી રહ્યો હતો ત્યારે બોઇલર પાસે પગ લપવી જવાના કારણે ગરમ પાણીમાં પડી જવાથી આ યુવાન શરીરે ગંભીર રીતે દાઝી ગયો હતો જેથી તેને સારવાર માટે હોસ્પિટલે લઈ ગયા હતા અને ત્યાં સારવાર દરમિયાન તે યુવાનનું મોત નીપજયું હતું જેથી આ બનાવની મૃતકના પિતા મુન્નાભાઈ છોટેલાલ રાવત રહે. બડોખર મધ્યપ્રદેશ વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે