મોરબીની રાજપર ચોકડી પાસે અગાઉ ભત્રીજીને ભગાડી ગયેલ શખ્સ અને તેના પિતાએ યુવાનને માર માર્યો
SHARE
JOIN OUR GROUP
મોરબીની રાજપર ચોકડી પાસે અગાઉ ભત્રીજીને ભગાડી ગયેલ શખ્સ અને તેના પિતાએ યુવાનને માર માર્યો
ટંકારાના સજનપર ગામે રહેતા યુવાનની ભત્રીજીને અગાઉ ભગાવી ગયેલ શખ્સ અને તેના પિતાએ યુવાન મોરબીની રાજપર ચોકડી પાસે ઉભો હતો ત્યારે ત્યાં જઈને યુવાનને ગાળો આપી હતી અને અને ત્યારબાદ તેને ઢીકાપાટુનો અને લોખંડના પાઇપ પડે પગમાં અને વાસના ભાગે માર માર્યો હતો અને જાનથી મારી નાખવાની ધમકી આપેલ છે જેથી ઈજા પામેલ યુવાને સારવાર લીધા બાદ મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
ટંકારા તાલુકાના સજનપર ગામે રહેતા લાખાભાઈ વજાભાઈ કલોતરા (39)એ મોરબી એ ડી વિઝન પોલીસ સ્ટેશન ખાતે મેરૂભાઈ જીવણભાઈ ખાંભલા તથા તેના દીકરા અજય મેરૂભાઈ ખાંભલા રહે. બંને સનાળા વાળાની સામે ફરિયાદ નોંધાવેલ છે જેમાં તેને જણાવ્યું છે કે તેઓ મોરબીની રાજપર ચોકડી પાસે ઊભેલ હતા ત્યારે મેરૂભાઈ ખાંભલા ત્યાં આવ્યા હતા અને અગાઉ ફરિયાદીની ભત્રીજીને અજય ખાંભલા ભગાડી ગયેલ હતો જેને તેઓનો પરિવાર પછી લઈ આવેલ હતો અને ત્યાર બાદ તેઓની ભત્રીજીના બીજી જગ્યાએ લગ્ન પણ કરાવી દેવામાં આવ્યા છે આ ઘટનાના બે વર્ષ બાદ તે બાબતનો ખાર રાખીને ફરિયાદીને રાજપર ચોકડી પાસે ગાળો આપવામાં આવી હતી ને ઢીકાપાટુનો માર માર્યો હતો ત્યારે અજય ખાંભલાએ ફરિયાદી સાથે ઝપાઝપી કરીને ઢીકાપાટુનો મારમારીને ગાળો આપી હતી તેમજ લોખંડના પાઇપ વડે ડાબા પગમાં તથા વાસાના ભાગે માર મારી જાનથી નાખવાની ધમકી આપી હતી જેથી હાલમાં ભોગ બનેલ યુવાન દ્વારા સારવાર લેવામાં આવ્યા બાદ મોરબી એ ડિવિઝન પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે.
