મોરબી તાલુકામાં ગેસ કટિંગના ગુનામાં સંડોવાયેલ આરોપી રાજસ્થાનથી પકડાયો
SHARE
JOIN OUR GROUP
મોરબી તાલુકામાં ગેસ કટિંગના ગુનામાં સંડોવાયેલ આરોપી રાજસ્થાનથી પકડાયો
મોરબી જિલ્લામાં જુદા જુદા ગુનામાં નાસતા ફરતા આરોપીઓને પકડવા માટે થઈને પોલીસ દ્વારા તજવીજ કરવામાં આવી રહી છે તેવામાં મોરબી તાલુકા વિસ્તારની અંદર ગેસના ટેન્કરમાંથી ગેસની ચોરી કરવા માટે કટિંગ કરવાના ગુનામાં છેલ્લા દોઢ વર્ષથી નાસતા ફરતા આરોપીને રાજસ્થાનથી ઝડપી લેવામાં આવેલ છે અને તાલુકા પોલીસ દ્વારા આગળની કાર્યવાહી હાથ કરવામાં આવી છે
મોરબી માળિયા હાઇવે રોડ ઉપરથી પસાર થતા પ્રોપેન ગેસ ભરેલા ટેન્કરોને રોકીને તેમાંથી ગેસની જોખમી રીતે ચોરી કરવામાં આવતી હોય તેવું અગાઉ અનેક વખત સામે આવ્યું છે તેવામાં મોરબી તાલુકા વિસ્તારમાં ગેસ ચોરીનો જે બનાવ સામે આવેલ હતો અને તાલુકા પોલીસ સ્ટેશન ખાતે ગુનો નોંધાયેલ હતો તેમાં છેલ્લા દોઢ વર્ષથી આરોપી નાસતો ફરતો હોય તાલુકા પોલીસ સ્ટેશનના પીઆઈ એન.એસ.ઘેટીયાની સૂચના મુજબ સ્ટાફ દ્વારા આરોપીને પકડવા માટે તજવીજ કરવામાં આવી રહી હતી તેવામાં ટેકનિકલ વર્કઆઉટ કરીને બાતમીના આધારે ગેસ કટીંગના ગુનામાં સંડોવાયેલ આરોપી ભગીરથ મેઘારામ બિશ્નોઈ રાજસ્થાનના સાચોર વિસ્તારમાં હોય ત્યાં જઈને તેને તાલુકા પોલીસની ટીમ દ્વારા આરોપીને ઝડપી લેવામાં આવ્યો હતો ત્યારબાદ આરોપી ભગીરથ મેઘારામ બિશ્નોઈ (35) રહે. બાગલી તાલુકો ચિતલવાના રાજસ્થાન વાળાને મોરબી લઈ આવીને તેની ધરપકડ કરી આગળની રાબેતા મુજબની વાત કરી હતી
