વાંકાનેરના માટેલ રોડે સિરામિક યુનિટના મશીનમાં માથું આવી જવાથી મજૂરનું મોત

વાંકાનેર તાલુકાના માટેલ રોડ ઉપર આવેલ સિરામિકના કારખાના મજૂરીકામ દરમિયાન મશીનમાં માથું આવી જવાથી મજૂર યુવાનનું ઘટનાસ્થળે જ મોત નીપજયું હતું જેથી કરીને તેના મૃતદેહને વાંકાનેર સિવિલ ખાતે ખસેડવામાં આવ્યો હતો અને આ બનાવની તાલુકા પોલીસને જાણ કરવામાં આવતાં પોલીસે બનાવની નોંધ કરી આગળની કાર્યવાહી હાથ ધરે છે

બનાવની જાણવા મળતી વિગત મુજબ મૂળ પંચમહાલના રહેવાસી અને હાલ વાંકાનેર તાલુકાના માટેલ રોડ પર આવેલ એસકોન સીરામીકની અંદર રહેતા અને મજૂરી કામ કરતા રામાદ્વર પાનસુ (૩૫) કારખાનાની અંદર મજુરી કામ કરી રહ્યો હતો ત્યારે માથું મશીનમાં આવી જવાના કારણે તેનું ઘટના સ્થળે જ મોત નીપજ્યું હતું અને તેના મૃતદેહને વાંકાનેર સિવિલ હોસ્પિટલ ખાતે લઇ આવતા આ બનાવની વાંકાનેર તાલુકા પોલીસને જાણ કરવામાં આવી હતી અને હાલમાં પોલીસે અકસ્માત મૃત્યુના બનાવની નોંધ કરીને આગળની તપાસ શરૂ કરે છે

બાઇક ચોરી

મોરબીના શોભેશ્વર રોડ ઉપર આવેલ શની પાજી કા ઠાબાની બાજુમાથી તા. ૧/૮ ના રોજ મોરબીના પંચાસર રોડ ઉપર શ્યામ સોસા.-૧ માં રહેતા હર્ષદભાઇ નિલેશભાઇ કાસુંદ્રા જાતે પટેલ (ઉ.૨૧) નું બાઇક જી.જે. ૩૬ એ.બી. ૨૩૫૩ વાળુ કોઈ ચોરી કરી ગયેલ હતું જેથી કરીને તેને હાલમાં આ અંગેની લાલ તથા કાળા કલરનુ ૫૦,૦૦૦ ની કિંમતનું બાઇક ચોરી થયું હોવાની ફરિયાદ નોંધાવી છે