વાંકાનેરનાં ખેરવા ગામે જ્વલંતશીલ પદાર્થ સાથે બે શખશો ઝડપાયા : ૧૯.૫૦ લાખનો મુદામાલ જપ્ત

(કેતન ભટ્ટી દ્વારા) : વાંકાનેર તાલુકાના ખેરવા ગામેથી શંકાસ્પદ જ્વલંત શીલ પદાર્થનાં જથ્થા સાથે બે શખશોને રાજકોટ શહેર ક્રાઇમ બ્રાંચની ટીમ દ્વારા ઝડપી લેવામાં આવ્યા હતાં.

આધાર ભૂત સૂત્રો પાસેથી પ્રાપ્ત વિગત મુજબ ખેરવા ગામનાં પાદરમાં બાપાસીતારામ મઢૂલી વાળા ચોકમાંથી બોલેરો પીક અપ તથા ટ્રકનાં ઠાઠામાં રહેલ બેરલમાંથી 10,500 લિટર જ્વલંત શીલ પ્રવાહીનો જથ્થો રાજકોટ શહેર ક્રાઇમ બ્રાંચ ની ટીમ દ્વારા ઝડપી પાડવામાં આવ્યો હતો, અને વાહનો મળી કુલ રૂ. 19,50,000 નાં મુદામાલ સાથે આરોપી  પ્રફુલ અરજણ ચોવટીયા રહે. રાજકોટ તથા યુસુફ કાળુ મવર રહે. મોરબીને ઝડપી લેવાયા હતાં, આ તકે વાંકાનેરનાં ઈન્ચાર્જ નાયબ મામલતદાર બી. એસ. પટેલ અને નાયબ પુરવઠા મામલતદાર પણ દોડી ગયા હતા અને આ જ્વલંતશીલ પ્રવાહીનાં નમૂના લઈ ધોરણ સરની કાર્યવાહી હાથ ધરી હતી.