વાંકાનેરની એલ.કે. સંઘવી કન્યા વિદ્યાલયનો જિલ્લા કક્ષાની નિબંધ-ચિત્ર સ્પર્ધામાં ડંકો

રમત ગમત યુવા અને સાંસ્કૃતિક પ્રવૃતિઓ વિભાગ, ગાંધીનગર દ્વારા પ્રેરિત કમિશનર યુવક સેવા અને સાંસ્કૃતિક પ્રવૃત્તિઓ, ગાંધીનગર દ્વારા આયોજિત તથા જિલ્લા યુવા વિકાસ અધિકારીની કચેરી, મોરબી દ્વારા યુવા મહોત્સવ આયોજન કરવામાં આવેલ હતું.

જેમાં તાલુકા કક્ષાની સ્પર્ધાઓ ચંદ્રપુર મુકામે યોજવામાં આવેલ હતી. તેમાં શ્રીમતી એલ.કે. સંઘવી કન્યા વિદ્યાલય વાંકાનેરની નવ વિદ્યાર્થિનીઓએ ભાગ લીધો હતો. જેમાંથી વક્તૃત્વ સ્પર્ધા, નિબંધ સ્પર્ધા અને ચિત્ર સ્પર્ધામાં વિદ્યાર્થિનીઓએ પ્રથમ ક્રમ મેળવેલ હોવાથી જિલ્લા કક્ષા એ નવયુગ સંકુલ મોરબીમાં પ્રતિનિધિત્વ કર્યું હતું અને તેમા પણ શાળાની વિદ્યાર્થીનીઓ રાઠોડ ડિનલ નિબંધ સ્પર્ધામાં અને વાળા જાનવીબા ચિત્ર સ્પર્ધામાં તૃતીય ક્રમાંકમાં મેળવેલ છે. જેથી શાળાના આચાર્ય દર્શનાબેન જાની તથા શાળા પરિવાર તરફથી બંને વિદ્યાર્થીઓને ખૂબ ખૂબ અભિનંદન પાઠવવામાં આવેલ.