મોરબી: પ્રેમ લગ્ન કરનાર યુવતીને તેના પિતા-ભાઈએ છરી બતાવીને આપી મારી નાખવાની ધમકી

મોરબીના જાંબુડીયા ગામ પાસે આવેલ સીરમિક કારખાનાની લેબર કોલોનીમાં રહેતા યુવાને પ્રેમલગ્ન કરેલા હોય યુવતીના પિતા અને તેનો ભાઈ બંને ત્યાં છરી લઈને આવ્યા હતા અને યુવાન ની પત્નીને મારી નાખવાની ધમકી આપી હતી જેથી યુવાને હાલમાં મોરબી તાલુકા પોલીસ સ્ટેશન ખાતે તેના સસરા અને સાળાની સામે ફરિયાદ નોંધાવતા પોલીસે બંને સામે ગુનો નોંધીને આરોપીઓને પકડવા માટે તજવીજ શરૂ કરેલ છે

મૂળ ભાવનગર જિલ્લાના મેસણકા ગામના રહેવાસી અને હાલમાં મોરબી તાલુકાના જાંબુડીયા ગામ પાસે નીલકંઠ સીરામીક કારખાનાની લેબર કોલોનીમાં રહેતા અમરદીપભાઈ મુકેશભાઈ દાણા (23)એ હાલમાં બાબુભાઈ કાળાભાઈ પરમાર અને ભરતભાઈ બાબુભાઈ પરમાર રહે. બંને થાનગઢ વાળા સામે મોરબી તાલુકા પોલીસ સ્ટેશને ફરિયાદ નોંધાવેલ છે જેમાં જણાવ્યુ છે કે, બાબુભાઈ પરમારની દીકરી મનીષા સાથે તેણે પ્રેમ લગ્ન કરેલા છે જે આરોપીઓને સારું નહીં લાગતા ફરિયાદી જાંબુડિયા ગામ પાસે આવેલ નીલકંઠ સીરામીક કારખાનાની લેબર કોલોનીમાં રહે છે ત્યાં છરી લઈને બંને આરોપીઓ આવ્યા હતા અને ફરિયાદીના પત્ની મનીષાબેનને જાનથી મારી નાખવાની ધમકી આપી હતી જેથી યુવાને હાલમાં નોંધાવેલ ફરિયાદ આધારે પોલીસે તેના સસરા અને સાળા સામે ગુનો નોંધીને આરોપીઓને પકડવા માટે તજવીજ શરૂ કરેલ છે.