વાંકાનેરના ભીમગુડા ગામે ખાણમાં કામ જોવા ગયેલા કોન્ટ્રાક્ટર યુવાન સહિત બે વ્યક્તિ ઉપર હુમલો

વાંકાનેરના ભીમગુડા ગામની સીમમાં આવેલ ખાણમાં કામ જોવા માટે ગયેલા કોન્ટ્રાક્ટર યુવાન સહિતના બે વ્યક્તિને સ્થળ ઉપર ગાળો આપીને જ્ઞાતિ પ્રત્યે અપમાનિત કરવામાં આવ્યા હતા અને ત્યારબાદ યુવાન સહિતના બે વ્યક્તિ પોતાની ગાડી લઈને ઓફિસે જતા હતા ત્યારે રસ્તામાં તેઓની ગાડી ઉભી રખાવીને થાર ગાડીમાં આવેલ શખ્સે બોલાચાલી ઝઘડો કરીને ગાળો આપી હતી અને જ્ઞાતિ પ્રત્યે અપમાનિત કરીને પોતાની પાસે રહેલ પાઇપ ફરિયાદીને માથાના ભાગે મારીને ઇજા કરી હતી જેથી ઇજા પામેલ યુવાને સારવાર લીધા બાદ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

રાજકોટમાં ખોરાણા રેલવે ફાટક સામે રહેતા કેવલભાઈ વનરાજભાઈ સોલંકી (23)એ કરસનભાઈ નગાભાઈ કરમુર રહે. કુવાડવા વાળાની સામે વાંકાનેર તાલુકો પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યુ છે કે, વાંકાનેર તાલુકાના ભીમગુડા ગામની સીમમાં ટમુબેન મોઢવાડિયાના નામ વાડી ખાણમાં ફરિયાદી તથા સાહેદ અજયભાઈ કામ જોવા માટે થઈને આવ્યા હતા અને ત્યારે આરોપી બ્લેક કલરની થાર ગાડી નંબર જીજે 3 પીડી 0704 લઈને ફરિયાદી પાસે આવેલ અને માથાકૂટ કરીને ગાળો આપી હતી અને ફરિયાદીને જાતિ પ્રત્યે અપમાનિત કરેલ હતા અને ત્યાર બાદ ફરિયાદી તથા સાહેદ પોતાની ગાડી લઈને પાડધરા ઓફિસે જતા હતા ત્યારે આરોપીએ ફરિયાદી તથા સાહેદની ગાડી રોકાવીને ફરિયાદીને જેમ ફાવે તેમ ગાળો આપીને ફરી જ્ઞાતી પ્રત્યે અપમાનિત કરેલ અને બાદમાં પાઇપ વડે ફરિયાદીને માથાના ભાગે માર મારીને માથામાં ઇજા કરી હતી જેથી યુવાનને સારવાર માટે હોસ્પિટલે લઈ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરેલ છે