હળવદમાં સગીરાને અવાવરુ જગ્યાએ લઈ જઈને અજાણ્યા શખ્સે છરી બતાવીને કપડાં કાઢવા માટે ધમકાવી !

હળવદ શહેરમાં રહેતા પરિવારની સગીર દીકરીને અજાણ્યા શખ્સ દ્વારા તારા મમ્મીને હોસ્પિટલે દાખલ કર્યા છે તેવું કહીને બાઈકમાં બેસાડવામાં આવી હતી અને ત્યારબાદ તે બાઈકને હોસ્પિટલે લઈ જવાના બદલે ટીકર રોડ ઉપર લઈ જઈને સગીરાને છરી બતાવીને કપડાં કાઢવા માટે ધમકાવી હતી અને સગીરાએ કપડાં ન કાઢતા તેને માર માર્યો હતો અને આ બાબતે કોઈને કહીશ તો તને જાનથી મારી નાખશે તેવી ધમકી આપી હતી આ બનાવ સંદર્ભે હાલમાં હળવદ તાલુકા પોલીસ સ્ટેશન ખાતે ફરિયાદ નોંધાતા પોલીસે આગળની કાર્યવાહી હાથ ધરી છે

હળવદમાં રહેતા પરિવારની સગીર દીકરી પોતાના ઘરેથી દૂધ લેવા માટે દુકાને જઈ રહી હતી ત્યારે અજાણ્યો શખ્સ બાઈક લઈને તેની પાસે આવેલ હતો અને “તારા મમ્મીને હોસ્પિટલે દાખલ કર્યા છે” તેવું કહ્યું હતું આટલું જ નહીં સગીરાને વિશ્વાસમાં લેવા માટે આ અજાણ્યા શખ્સે સગીરાને તેના મામા, માસી તથા માસીના દીકરાનું નામ પણ આપ્યું હતું અને તે બધાને ઓળખે છે તેવું કહ્યું હતું આમ સગીરાને વિશ્વાસમાં લઈને બાઇક ઉપર બેસાડીને આ શખ્સ તેને દવાખાને લઈ જવાના બદલે ટીકર રોડ ઉપર લઈ ગયો હતો અને ત્યાં અવાવરું જગ્યા પાસે બાઈક ઉભું રાખીને સગીરાને છરી બતાવીને કપડાં ઉતારવા માટે કહ્યું હતું ત્યારે સગીરાએ કપડા ન ઉતારતા તેને માર મારવામાં આવ્યો હતો અને અજાણ્યા શખ્સ દ્વારા છરી બતાવીને સગીરાને આ બનાવ વિશે કોઈને કશુ જ કહીશું તો તને મારી નાખીશ તેવી ધમકી આપી હતી ત્યારબાદ આ શખ્સ સગીરાને હળવદના રેલવે સ્ટેશન પાસે છોડીને જતો રહ્યો હતો જો કે, હાલમાં બનાવ સંદર્ભે હળવદ તાલુકા પોલીસ સ્ટેશન ખાતે ફરિયાદ નોંધાતા પોલીસે અજાણ્યા શખ્સની સામે ગુનો નોંધીને આરોપીને પકડવા માટે તજવીજ શરૂ કરી છે અને આરોપીને પકડવા માટે હાલમાં પોલીસ દ્વારા સીસીટીવી કેમેરાના ફૂટેજ આધારે તપાસ કરવામાં આવી રહી છે.