હળવદના ચંદ્રગઢ ગામે વાડીએ રહેલા યુવાનની અજાણ્યા શખ્સ દ્વારા માથામાં બોથડ પદાર્થના ઘા મારીને હત્યા

હળવદના ચંદ્રગઢ ગામે યુવાનને અજાણ્યા શખ્સ દ્વારા માથામાં બોથડ પદાર્થના ઘા મારીને હત્યા કરવામાં આવી છે જેથી કરીને હાલમાં મૃતક યુવાનના કાકાએ અજાણ્યા શખ્સની સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.

હળવદ તાલુકાના ચંદ્રગઢ ગામે રહેતા શામજીભાઈ કરસનભાઈ જાદવએ હાલમાં અજાણ્યા શખ્સની સામે હત્યાની ફરિયાદ નોંધાવેલ છે જેમાં તેને જણાવ્યુ છે કે, તેઓનો ભત્રીજો અનિલ રામજીભાઈ જાદવ (27) તેઓની વાડીએ મગફળી ઉપાડવાનું કામ ચાલુ હોય વાડીએ ગયો હતો અને મોડી રાત સુધી તે ઘરે પાછો આવ્યો ન હતો જેથી અનિલભાઈને તેની પત્ની દ્વારા ફોન કરવામાં આવ્યો હતો ત્યારે તેનો ફોન પણ રીસીવ થયો ન હતો જેથી અનિલભાઈને તેના પરિવારજનો શોધવામાં આવી રહ્યો હતો અને તેણે શોધતા શોધતા અનિલભાઈના પરિવારજનો વાડીએ પહોચ્યા હતા ત્યારે વાડીએ ખાટલા પાસેથી ફરિયાદીના ભત્રીજા અનિલભાઈ જાદવનો હત્યા કરેલા હાલતમાં મૃતદેહ મળી આવ્યો હતો અને તેને કોઈ અજાણ્યા શખ્સ દ્વારા માથામાં બોથડ પદાર્થનો ઘા મારીને તેની હત્યા કરવામાં આવી હોય તાત્કાલિક અનિલભાઈના મૃતદેહને પીએમ માટે હોસ્પિટલે લઈ ગયા હતા અને આ બનાવ સંદર્ભે યુવાનના કાકાએ હાલમાં હળવદ તાલુકા પોલીસ સ્ટેશન ખાતે હત્યાની ફરિયાદ નોંધાવેલ છે જેના આધારે પોલીસે ગુનો નોંધીને આગળની કાર્યવાહી હાથ ધરી છે જોકે વાડીએ રહેલા યુવાનની હત્યા કોના દ્વારા કરવામાં આવી ? શા માટે કરવામાં આવી ? તે સહિતની પ્રશ્નોનો ભેદ ઉકેવા માટે અને આરોપીને પકડવા માટે પોલીસે જુદી જુદી દિશામાં તપાસના ચક્રો ગતિમાન કર્યા છે અને વધુમાં મળતી વિગત પ્રમાણે રામજીભાઈ જાદવનો એકનો એક દીકરો અનિલભાઈ જાદવ હતો અને તેની હત્યા કરવામાં આવતા નાના એવા ગામમાં ચકચાર મચી ગઈ છે