મોરબીના જોધપર(નદી) ગામે રસીકરણના પ્રથમ ડોઝનું ૧૦૦ ટકા રસીકરણ આજરોજ પૂર્ણ 

કોરોના મહામારીએ સમગ્ર વિશ્વમાં હાહાકાર મચાવ્યો છે ત્યારે કોરોના નામના દાનવથી બચવા રસીકરણ એકમાત્ર ઉપાય હોય હાલ ભારત સરકારનું મહારસીકરણ અભ્યાન સમગ્ર દેશમાં ચાલી રહ્યુ છે ત્યારે મોરબી તાલુકાના જોધપર(નદી) ગામ મુકામે રસીકરણના પ્રથમ ડોઝનું ૧૦૦ ટકા રસીકરણ આજરોજ પૂર્ણ થયું હતું.ગામના સરપંચ મુકેશભાઈ બરાસરા તેમજ ઉપસરપંચ જયેશભાઇ હોથીએ વધુમાં વધુ ગ્રામજનો કોરોનાની રસી લે તેવા પ્રયત્નો કર્યા હતા.આ રસીકરણ અભિયાનના પ્રથમ ચરણને પાર પાડવા સતત કામગીરી કરીને સફળ બનાવનાર આરોગ્ય કર્મચારી દિલીપભાઈ દલસાનિયા, પિંકલબેન પરમાર, મકસુદભાઈ સૈયદ, હંસાબેન ઉભડીયા તથા જિલ્લા આરોગ્ય શાખાનો ગામના સરપંચ મુકેશભાઇ તેમજ ઉપસરપંચ જયેશભાઇએ ગ્રામજનોવતી ખાસ આભાર વ્યક્ત કર્યો હતો.