મોરબીના ભડીયાદ કાંટા પાસે વોકિંગમાં નીકળેલા યુવાન પાસે હાથ ઉછીના પૈસા માંગીને લાકડી વડે માર માર્યો
Morbi Today
વાંકાનેરની વોરાવાડમાં રહેતા યુવાનને વ્યાજખોરોએ માર મારતા કર્યો આપઘાતનો પ્રયાસ
SHARE
JOIN OUR GROUP
વાંકાનેરની વોરાવાડમાં રહેતા યુવાનને વ્યાજખોરોએ માર મારતા કર્યો આપઘાતનો પ્રયાસ
વાંકાનેરની વોરાવાડમાં રહેતા યુવાનને તેના ભંગારના ધંધામાં પૈસાની જરૂરત હતી જેથી કરીને તે છએક મહિના પહેલા આરોપી પાસેથી ૮૦ હજાર રૂપિયા વ્યાજે લીધા હતા જેની સામે આરોપી દ્વારા યુવાન પાસેથી દોઢ લાખની ઉઘરાણી કરવામાં આવી રહી હતી અને તેના ઘરે જઈને માર મરવામાં આવ્યો હતો જેથી કરીને યુવાને ફિનાઇલ પી લેતા તેને સારવારમાં ખસેડાયો હતો અને હાલમાં તેને નોંધાવેલ ફરિયાદ આધારે પોલીસે ભરવાડપરામાં રહેતા બે શખ્સોની સામે મનીલેન્ડ, મારા મારી સહિતની કલમ હેઠળ ગુનો નોંધીને આરોપીને પકડવા માટે ચક્રોગતિમાન કરેલ છે.
બનાવની જાણવા મળતી માહિતી મુજબ વાંકાનેરની વોરાવાડમાં નવાપરામાં જે.કે. ટેઇલર્સ સામે રહેતા મુસ્તુફાભાઇ શબીરભાઇ નોકડ જાતે વોરા (ઉ.૨૪)એ હાલમાં અનિલભાઇ બુટાભાઇ લામકા તથા ધનાભાઇ મોનાભાઇ લામકા રહે, બંન્ને ભરવાડપરા વાંકાનેર વાળાની સામે ફરિયાદ નોંધાવી છે જેમાં તેને જણાવ્યુ છે કે, તેને પોતાના ભંગારના ધંધામાં પૈસાની જરૂરત હતી જેથી તેને આરોપી અનિલભાઇ બુટાભાઇ લામકા પાસેથી છ મહિના પહેલા ૮૦,૦૦૦ વ્યાજે લિધેલ હતા તે પૈસાની ઉચા વ્યાજ સાથે ૧,૫૦,૦૦૦ ની પઠાણી ઉઘરાણી અનિલભાઇ બુટાભાઇ લામકાએ તેની પાસે કરી હતી જો કે, તેને પૈસા આપવાની ના પાડતા આરોપીઓએ યુવાનના ઘર પાસે આવીને યુવાન પાસે પૈસાની ઉઘરાણી કરી હતી અને તેને અનિલભાઇ બુટાભાઇ લામકાએ વાસામા ઢીકા તથા ક્રેન લટકાવવાના લોખંડના સ્ટેન્ડથી વાસામા મુંઢમાર તેમજ પેટના ભાગે પથ્થરથી મુંઢ ઈજા પહોચાડી હતી અને આરોપીએ ઉંચા વ્યાજ સાથે પૈસાની ઉઘરાણી કરીને માર માર્યો હતો જેથી કંટાળીને યુવાને ફીનાઇલ પી લેતા તેને સારવારમાં ખસેડાયો હતો અને હાલમાં તેની ફરિયાદના આધારે પોલીસે આઇ.પી.સી. કલમ ૩૨૩, ૫૦૪, ૧૧૪ તથા જી.પી.એ કલમ ૧૩૫ તથા મનીલેન્ડ એકટ કલમ -૫, ૪૦, ૪૨ મુજબ ગુનો નોંધીને આરોપીઓને પકડવા માટે તજવીજ શરૂ કરેલ છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
