માળીયામાં ફાયરિંગ કરી હત્યાની કોશિશના ગુનામાં એકના આગોતરા જામીન મોરબી સેશન્સ કોર્ટમાં મંજૂર

માળીયામાં ફરિયાદીની હોટેલએ ગાડી રિપેર કરવા બાબતની સામાન્ય લપમાં ફરિયાદીને મોતનો ભય ઊભો કરવા અને ૩ રાઉન્ડ ફાયરિંગ કરી હત્યાની કોશિશ કરવાના ગુનામાં માળીયા પોલીસ સ્ટેશનમાં કલમ ૩૦૭, ૧૪૩, ૧૪૭,૧? ૧૪૯ તથા આર્મ્સ એકટની કલમ ૨૫(૧)(બી) તથા ૧૩૫ મુજબનો  ગુનો નોંધાયેલ હતો.

જે સબબના આરોપી ઓસમાણ સુમારભાઈ મોવર દ્રારા મોરબીની પ્રીન્સીપલ સેશન્સ કોર્ટમાં તેમના વકીલ સિરાજ આઇ.અબ્રાણી દ્વારા આગોતરા જામીન અરજી દાખલ કરવામાં આવી હતી.જેં કામે એડવોકેટ સિરાજ અબ્રાણીએ ધારદાર દલીલ રજૂ કરેલ હતી તેમજ સુપ્રીમ કોર્ટ અને અલગ અલગ હાઈકોર્ટના જજમેન્ટના ઓર્ડર રજૂ રાખેલ હતા.જેને ધ્યાને રાખીને મોરબીની સેશન્સ કોર્ટે આરોપીઓ પૈકીના ઓસમાણ મોવરને રૂા.૧૦,૦૦૦ ના શરતી આગોતરા જામીન પર મુક્ત કરેલ છે.આ કામે અરજદારના વકીલ તરીકે ટંકારાના એડવોકેટ સિરાજ અબ્રાણી રોકાયેલ હતા