રામકથા અનવ્યે મોરબીના વાવડી ચોકડીથી નાની વાવડી ગામ સુધીના રસ્તા પર વાહનોની અવર જવર પર પ્રતિબંધ
Morbi Today
મોરબીમાં ડાંગર, બાજરી, જુવાર, રાગી, મકાઇની ટેકાના ભાવે ખરીદી માટે ખેડૂતોએ તા.૧-૧૦ થી તા.૩૧-૧૦ સુધી ઓનલાઇન નોંધણી કરવી
SHARE
JOIN OUR GROUP
મોરબીમાં ડાંગર, બાજરી, જુવાર, રાગી, મકાઇની ટેકાના ભાવે ખરીદી માટે ખેડૂતોએ તા.૧-૧૦ થી તા.૩૧-૧૦ સુધી ઓનલાઇન નોંધણી કરવી
ખેડૂતોને તેઓના પાકના પોષણક્ષમ ભાવ મળી રહે તે માટે ખરીફ માર્કેટીંગ સીઝન ૨૦૨૩- ૨૪ માં રાજ્ય સરકાર દ્વારા લઘુતમ ટેકાના ભાવે ડાંગર, બાજરી, જુવાર, રાગી, મકાઇની ખરીદી ગુજરાત રાજ્ય નાગરીક પુરવઠા નિગમ લી. મારફતે કરવામાં આવનાર છે.આ ટેકાના ભાવમાં ડાંગર(કોમન) રૂ.૨૧૮૩ પ્રતિ ક્વિ., ડાંગર(ગ્રેડ-એ) રૂ.૨૨૦૩ પ્રતિ ક્વિ., મકાઈ રૂ.૨૦૯૦ પ્રતિ ક્વિ., બાજરી રૂ. ૨૫૦૦ પ્રતિ ક્વિ., જુવાર (હાઈબ્રીડ) રૂ. ૩૧૮૦ પ્રતિ ક્વિ., જુવાર(માલદંડી) રૂ. ૩૨૨૫ પ્રતિ ક્વિ., રાગી રૂ. ૩૮૪૬ પ્રતિ ક્વિ., ભાવે ખરીદી કરવામાં આવશે.લઘુતમ ટેકાના ભાવે વેચાણ કરવા ઇચ્છા ધરાવતા ખેડૂતોની ઓનલાઇન નોંધણી સમગ્ર રાજ્યમાં સ્થાનિક ગ્રામ્ય કક્ષાએ વીસીઈ દ્વારા તા.૧-૧૦ થી તા.૩૧-૧૦ સુધી કરવામાં આવશે.
નોંધણી માટે જરૂરી પુરાવા જેવા છે, આધાર કાર્ડની નકલ, અધ્યતન ગામ નમુનો ૭/૧૨ ૮/અ ની નકલ, ગામ નમુના ૧૨માં પાક વાવણી અંગે એન્ટ્રી ના થઇ હોય તો પાકની વાવણી અંગેનો તલાટીના સહી સિક્કા સાથેનો દાખલો, ખેડૂતના નામના બેન્ક ખાતાની વિગત જેમ કે બેન્ક પાસબુકની નકલ અથવા કેન્સલ ચેકની નકલ સાથે લાવવાની રહેશે.રાજ્યમાં ડાંગર, બાજરી, જુવાર, રાગી, મકાઇ પકવતા ખેડૂતો તેઓનો પાક લઘુતમ ટેકાના ભાવે વેચાણ કરવા ઇચ્છુક હોય તેઓની ઓનલાઇન નોંધણી ફરજીયાત હોઇ આ માટે સંબંધિત ગ્રામ પંચાયતનો સંપર્ક કરી નોંધણી કરાવવાની રહેશે.
ખરીફ માર્કેટીંગ સીઝન ૨૦૨૩-૨૪ અંતર્ગત ટેકાના ભાવે ખરીદી તા.૧-૧૧ થી તા.૧૫-૧ સુધી કરવમાં આવશે.ટેકાના ભાવે ખરીદી માટે રજીસટ્રેશન કરાવેલ ખેડૂતોને એસએમએસ મારફતે ખરીદી અંગેની જાણ કરવામાં આવશે. ખરીદી સમયે ખેડૂતે પોતાનું આધારકાર્ડ-ઓળખપત્ર સાથે રાખવાનું રહેશે. ખેડૂત ખાતેદારના બાયોમેટ્રિક ઓથોન્ટીકેશન દ્વારા જ જથ્થો ખરીદ કરવામાં આવશે.નોંધણી કરાવતી વખતે તમામ ડોકયુમેન્ટસ સુવાચ્ય રીતે અપલોડ થાય તથા માગ્યા મુજબના જ અપલોડ થાય તેની નોંધણી સ્થળ-કાઉન્ટર છોડતા પહેલા ખાસ કાળજી રાખવા વિનંતી છે. ડોક્યુમેન્ટની ચકાસણી દરમ્યાન જો ખોટા ડોક્યુમેન્ટ અપલોડ કરાયા હોવાનું ધ્યાને આવશે તો આપનો ક્રમ રદ થશે.ખરીફ માર્કેટીંગ સીઝન ૨૦૨૩-૨૪ અંતર્ગત ટેકાના ભાવે થયેલ ખરીદી સબબ ખેડૂતોને ચુકવણા પીએફએમએસ પોર્ટલ મારફત કરવામાં આવશે. જે તેઓની ખરીદીના ૪૮ કલાકમાં નાણાં ચુકવવામાં આવશે. વધુ માહિતી માટે ફોન નં.૮૫૧૧૧૭૧૭૧૮ અથવા ૮૫૧૧૧૭૧૭૧૯ ઉપર સંપર્ક કરવા મોરબી નાયબ જિલ્લા મેનેજર ગ્રેડ-૨ એ યાદીમાં જણાવાયું છે.
