મોરબીની મચ્છુ નદીમાં ડૂબી જવાથી યુવાનનું મોત: બેલા નજીક કારખાનામાં રસ્તા ઉપર પડી જવાથી યુવાનનું મોત

મોરબીમાંથી પસાર થતી મચ્છુ નદીના પાણીમાં ડૂબી જવાના કારણે યુવાનનું મોત નીપજ્યું હતું જેથી તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબીમા પાડાપુલ નીચેના ભાગમાં રહેતા ચકુભાઈ નરશીભાઈ વાઘેલા (45) નામનો યુવાન મોરબીમાંથી પસાર થતી મચ્છુ નદીમાં કોઈપણ કારણોસર ડૂબી ગયો હતો જેથી તેનું મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

પડી જવાથી યુવાનનું મોત

મોરબીના બેલા ગામની સીમમાં આવેલ લેનકોસા સીરામીકના લેબર કવાર્ટરમાં રહેતો અને મજૂરી કામ કરતો હરિકુમાર મોહનપ્રસાદ (26) નામનો યુવાન પોતાના લેબર કવાર્ટરમાંથી સિરામિકમાં કામે જતો હતો ત્યારે રસ્તામાં કોઈ પણ કારણોસર તે પડી ગયો હતો જેથી તેનું મોત નિપજ્યું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે આ અંગેની આગળની વધુ તપાસ વી.એસ. ડાંગર ચલાવી રહ્યા છે.