વાંકાનેર તાલુકામાં જુદાજુદા બે ગામમાં એક-એક યુવાને કર્યો આપઘાત

વાંકાનેરના રાતવીરડા ગામની સીમમાં આવેલ સીરમિક કારખાનાની પાછળના ભાગમાં યુવાને ગળાફાંસો ખાઈને આપઘાત કર્યો હતો જ્યારે વાંકાનેરના પંચાસિયા ગામે મામાના ઘરે આવેલા યુવાને કોઈપણ કારણોસર પોતે પોતાની જાતે ગળાફાંસો ખાઈને આપઘાત કર્યો છે આ બંને બનાવની વાંકાનેર તાલુકા પોલીસે નોંધ કરી આગળની કાર્યવાહી હાથ ધરી છે

મૂળ ઓરિસ્સાનો રહેવાસી અને હાલમાં વાંકાનેર તાલુકાના રાતવીરડા ગામની સીમમાં આવેલ સુપેરો સીરામીક કારખાનાની લેબર કોલોનીમાં રહેતો છોટુ બાસેશ્વર મુંડારી (30) નામના યુવાને કોઈપણ કારણોસર પોતે પોતાની જાતે કારખાનાની પાછળના ભાગમાં ગળાફાંસો ખાઈ લીધો હતો જેથી તે યુવાનનું ઘટના સ્થળે મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની વાંકાનેર તાલુકા પોલીસ સ્ટેશન ખાતે જાણ કરવામાં આવી હતી જ્યારે વાંકાનેરના જીનપરા વિસ્તારમાં રહેતા ભાવેશભાઈ યોગેશભાઈ ગોહેલ (39) નામનો યુવાન વાંકાનેર તાલુકાના પંચાસિયા ગામે તેના મામાના ઘરે ગયેલ હતો અને ત્યાં કોઈ પણ કારણોસર તેણે ગળાફાંસો ખાઈ લીધો હતો જેથી તે યુવાનનું મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની હોસ્પિટલ મારફતે તાલુકા પોલીસ સ્ટેશન ખાતે જાણ કરવામાં આવી હતી.