વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત
SHARE
વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત
વાંકાનેરના મિલ પ્લોટ વિસ્તારમાં રહેતા વૃદ્ધ બાથરૂમમાં નહાવા માટે થઈને જતા હતા ત્યારે બાથરૂમમાં પડી જવાથી તેઓને માથાના ભાગે ગંભીર ઇજા થઈ હોય તેમનું મોત નીપજયું હતું જ્યારે હળવદ તાલુકાના જુના વેગડવાવ ગામની સીમમાં આવેલ મંદિરના મકાનમાં કોઈપણ કારણોસર જુના ઘાટીલા ગામે રહેતા આધેડે ગળાફાંસો ખાઈને આપઘાત કર્યો હોય તેનું મોત નિપજ્યું હતું આ બંને બનાવની સ્થાનિક પોલીસે નોંધ કરીને આગળની કાર્યવાહી હાથ ધરી છે
વાંકાનેરના મિલ પ્લોટ વિસ્તારમાં રહેતા મકનભાઈ ઉકાભાઇ કણસાગરા (84) નામના વૃદ્ધ પોતે પોતાના ઘરે હતા ત્યારે બાથરૂમમાં નહાવા માટે જતા સમયે બાથરૂમ પાસે પડી ગયા હતા જેથી કરીને તેઓને માથાના ભાગે ગંભીર ઇજા થઈ હોવાથી તેમનું મોત નીપજયું હતું ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને આ બનાવની હોસ્પિટલ મારફતે વાંકાનેર સિટી પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે જ્યારે માળીયા મીયાણા તાલુકાના જુના ઘાટીલા ગામે રહેતા કિશોરભાઈ જગદીશભાઈ લંઘાણોજા (50) નામના આધેડે હળવદ તાલુકાના જુના વેગડવાવ ગામે ખીજડીયા હનુમાનજી મંદિરના મકાનમાં કોઈપણ કારણોસર પોતે પોતાની જાતે ગળાફાંસો ખાઈ લીધો હતો જેથી તેનું મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઈ ગયા હતા અને આ બનાવ અંગેની શૈલેષભાઈ હરજીવનભાઈ લાંઘણોજા (40) રહે. જૂના ઘાટીલા વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે