મોરબીની રવિરાજ ચોકડી પાસેથી કતલખાને લઈ જવાતા ત્રણ પાડાને બચાવ્યા: ધોરાજીના બે શખ્સની ધરપકડ

મોરબીની રવિરાજ ચોકડી પાસેથી પસાર થઈ રહેલ ગાડીને રોકીને ચેક કરતા તેમાંથી ત્રણ પાડા મળી આવ્યા હતા જેથી તેને બચાવવામાં આવ્યા હતા અને મોરબી તાલુકા પોલીસ સ્ટેશન ખાતે 2 શખ્સની સામે ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે.

મોરબીના જુદા જુદા વિસ્તારમાંથી કતલખાને લઈ જવાતા અબોલ જીવને બચાવવા માટે ગૌરક્ષકો દ્વારા વોચ રાખવામાં આવતી હોય છે અને વાહનોમાં અબોલજીવને કતલખાને લઈ જતા હોય તેને પકડવામાં આવે છે અને ત્યારબાદ સ્થાનિક પોલીસ સ્ટેશનમાં ફરિયાદ નોંધીને કાર્યવાહી કરવામાં આવતી હોય છે દરમિયાન મળેલી હકીકત આધારે મોરબીની રવિરાજ ચોકડી પાસે વોચ રાખવામાં આવી હતી ત્યારે ત્યાંથી પસાર થઈ રહેલ ગાડી નંબર જીજે 11 ટીવી 3446 ને રોકીને ચેક કરી હતી તેમાં ત્રણ પાડાને ક્રૂરતાપૂર્વક બાંધીને ઘાસચારો કે પાણીની કોઈ વ્યવસ્થા વગર લઈ જતાં હતા જેથી મોરબી તાલુકા પોલીસ સ્ટેશન ખાતે રામજીભાઈ શીવાભાઈ મૈડા (23) રહે. રવાપર નદી વાળાએ રામભાઈ ઉકાભાઇ ભારાય (60) રહે. માતાવાડી વિસ્તાર ધોરાજી તથા રાજુભાઈ મંગાભાઈ સોરીયા (35) રહે. જમનાવડ ધોરાજી વાળાની સામે ફરિયાદ નોંધાવતા પોલીસે બંનેની ધરપકડ કરી આગળની કાર્યવાહી હાથ ધરી છે.