મોરબી અને હળવદમાં વિદેશી દારૂની 3 રેડમાં આરોપી સાથે 16 બોટલ દારૂ પકડાયો

મોરબી શહેરમાં જુદી જુદી બે જગ્યા ઉપર તથા હળવદમાં એક વિદેશી દારૂની રેડ કરવામાં આવી હતી આમ કુલ મળીને ત્રણ રેડમાં દારૂની નાની મોટી 16 બોટલો પોલીસ દ્વારા કબજે કરવામાં આવી હતી અને આરોપીને પકડીને સ્થાનિક પોલીસ સ્ટેશન ખાતે ગુના નોંધી રાબેતા મુજબની કાર્યવાહી હાથ ધરવામાં આવી છે

મોરબીની પંચાસર ચોકડી પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની 5 બોટલ મળી આવતા પોલીસે 6,500 ની કિંમતની દારૂની બોટલો કબજે કરી હતી અને રમીઝભાઇ નુરખાન સીપાઇ (37) રહે. કાલિકા પ્લોટ શેરી નં-1 કાલિકા હનુમાન વાળી શેરી મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધી આગળી કાર્યવાહી હાથ ધરી છે મોરબીના સનાળા રાજપર રોડ ઉપર આવેલ પટેલ સમાજ વાડી પાસેથી પસાર થયેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની નાની 5 બોટલ મળી આવતા 600 રૂપિયાની કિંમતનો દારૂ તથા એક મોબાઈલ ફોન આમ કુલ મળીને 5600 ની કિંમતનો મુદ્દામાલ કબજે કર્યો હતો અને આરોપી મનીષભાઈ શાંતિલાલભાઈ રાવલ (52) રહે. સનાળા રામજી મંદિર પાસે મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ દારૂની બોટલ તેને સારંગભાઈ મનીષભાઈ રાવલ રહે, મોરબી વાળા પાસેથી મેળવી હોવાનું સામે આવતા પોલીસે બંને સામે ગુનો નોંધી બીજા આરોપીને પકડવા માટે તજવીજ શરૂ કરેલ છે જ્યારે હળવદમાં હરીદર્શન ચોકડી પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની નાની 6 બોટલ મળી આવતા પોલીસે 600 રૂપિયાની કિંમતનો દારૂનો જથ્થો કબજે કર્યો હતો અને મહિપતભાઈ સાદુરભાઈ દેકાવાડીયા (30) રહે. ખેતરડી તાલુકો હળવદ વાળાની ધરપકડ કરેલ છે અને તેની સામે હળવદ તાલુકા પોલીસ સ્ટેશન ખાતે ગુનો નોંધાયો છે