મોરબી સહિત 6 જિલ્લામાંથી હદપાર કરાયેલ શખ્સ હળવદમાંથી ઝડપાયો

હળવદ તાલુકા વિસ્તારમાં દારૂના ગુનામાં પકડાયેલા શખ્સને છ જિલ્લામાંથી હદ્પારીનો હુકમ કરવામાં આવ્યો હતો અને આ શખ્સ હળવદ શહેરી વિસ્તારમાં હોવાની હકીકત મળી હતી જેના આધારે પોલીસે તેને પકડીને તેની સામે વધુ એક ગુનો હળવદ પોલીસે સ્ટેશન ખાતે નોંધીને પોલીસે આગળની રાબેતા મુજબની કાર્યવાહી કરી છે

હળવદ તાલુકા વિસ્તારમાંથી દેશી દારૂના વેચાણના ગુનામાં સંડોવાયેલ અનિલભાઈ હસમુખભાઈ ચૌહાણ (35) રહે.ચરડવા જુનો વાસ હળવદ વાળાને તા. 5/1/ 26 થી હુકમ કરીને મોરબી, રાજકોટ શહેર, રાજકોટ રૂરલ, અમદાવાદ શહેર, અમદાવાદ રૂરલ, ગાંધીધામ-કચ્છ, પાટણ અને જામનગર જિલ્લામાંથી હદપાર કરવાનો હુકમ કરવામાં આવ્યો હતો અને છ માસ સુધી હદપાર કરેલ હોવા છતાં પણ આરોપી સક્ષમ અધિકારીને પૂર્વ મંજૂરી મેળવ્યા વગર મોરબી જિલ્લાના હળવદ અમદાવાદ હાઈવે રોડ ઉપર બાયપાસ રોડ ત્રણ રસ્તા પાસે હોવાની હકીકત આધારે પોલીસે ત્યાંથી તેને પકડીને આરોપીએ હદપારી હુકમનો ભંગ કર્યો હોવાથી તેની સામે હળવદ તાલુકા પોલીસ સ્ટેશન ખાતે ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે.