મોરબી હળવદ અને માળીયાના જૂના ઘાટીલામાં જુગારની 3 રેડમાં 9 શખ્સ પકડાયા
SHARE
JOIN OUR GROUP
મોરબી હળવદ અને માળીયાના જૂના ઘાટીલામાં જુગારની 3 રેડમાં 9 શખ્સ પકડાયા
મોરબીમાં સીરામીક એમ્પાયર કોમ્પલેક્ષ, હળવદના ભવાનીનગર અને માળિયા તાલુકાના જુના ઘાટીલા ગામે જુગારની જુદીજુદી 3 રેડ કરી હતો જેમાં કુલ મળીને 9 શખ્સ જુગાર રમતા મળી આવ્યા હતા જેથી પોલીસે તેની રોકડ સાથે ધરપકડ કરીને સ્થાનિક પોલીસ સ્ટેશનમાં ગુના નોંધીને આગળની કાર્યવાહી કરેલ છે.
હળવદના ભવાનીનગર ઢોરો વિસ્તારમાં જુગારની રેડ કરવામાં આવી હતી ત્યારે ત્યાં સ્થળ ઉપર જુગાર રમતા ચંદુભાઈ વિઠ્ઠલભાઈ વિકાણી (43) રહે સિદ્ધિવિનાયક સોસાયટી હળવદ, રમેશભાઈ બચુભાઈ સોલંકી (55) રહે. માર્કેટ યાર્ડ ગેટ નં-4 સામે દુકાનમાં હળવદ અને રમેશભાઈ જાદવજીભાઈ ખાંભડીયા (55) રહે. ભવાનીનગર હળવદ વાળા જુગાર રમતા મળી આવ્યા હોય પોલીસે 10,200 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધાયો છે
મોરબીના હળવદ રોડ ઉપર આવેલ સીરામીક એમ્પાયર કોમ્પલેક્ષમાં કેવલભાઈ કાલરીયાની કબજા વાળી દુકાન નં. 305 માં બહારથી માણસો બોલાવીને જુગાર રમવા માટેની સગવડ પૂરી પાડવામાં આવતી હતી ત્યાં જુગારની રેડ કરવામાં આવી હતી ત્યારે સ્થળ ઉપરથી કેવલભાઈ ધર્મેન્દ્રભાઈ કાલરીયા (22) રહે. જીવાપર (ચ), મેહુલભાઈ ધનસુખભાઈ વામજા (31) રહે. ક્રાંતિ જ્યોત રેસીડેન્સી મહેન્દ્રનગર તથા સુધીરભાઈ હર્ષદભાઈ બાવરવા (28) રહે. કુબેરનગર મોરબી વાળા જુગાર રમતા મળી આવ્યા હોય પોલીસે 25,100 ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધાયો છે,
માળિયા તાલુકાના જુના ઘાટીલા ગામે શક્તિ પ્લોટ કોળી વાસમાં જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા રણછોડભાઈ પરસોત્તમભાઈ સનુરા (40), બીજલભાઇ કાનજીભાઈ સુરાણી (54) અને મુકેશભાઈ નવીનભાઈ ઠાકોર (38) રહે. બધા જૂના ઘાટીલા વાળા જુગાર રમતા મળી આવ્યા હોય પોલીસે 6400 ની રોકડ સાથે તેની ધરપકડ કરી હતી અને માળિયા તાલુકા પોલીસ સ્ટેશન સાથે ગુનો નોંધાયો છે
