મોરબીમાં બે માજી મંત્રીની હાજરીમાં જિલ્લા ભાજપના પ્રમુખના હસ્તે શહેર ભાજપ કાર્યાલયનું કરાયું ઉદ્ઘાટન

મોરબી શહેર ભાજપના પ્રમુખ સહિતના હોદેદારોના નામ તાજેતરમાં જાહેર કરવામાં આવેલ છે ત્યાર બાદ હવે મોરબી શહેર ભાજપના નવા કાર્યાલયનો વિધિવત પ્રારંભ કરાયો છે અને આ તકે રાજયના બે માજી મંત્રી તેમજ જિલ્લા ભાજપના પ્રમુખ સહિતના હોદેદારો હાજર રહ્યા હતા.

મોરબી શહેર ભાજપનું કાર્યાલય જૂની એચડીએફસી બેંકની બાજુમાં આવેલ શોપિંગ સેંટરમાં મોરબી જિલ્લા ભાજપ પ્રમુખ જયંતીભાઈ રાજકોટિયાના વરદ હસ્તે ઉદ્ઘાટન કરવામાં આવ્યું હતું. ત્યારે મેયર ઉતમભાઈ સુરાણી, ધારાસભ્ય દુર્લભજીભાઈ દેથરિયા, જિલ્લા ભાજપ મહામંત્રી અરવિંદભાઈ વાસદડિયા, રાજ્યના માજી મંત્રી જયંતિભાઈ કવાડીયા અને બ્રિજેશભાઈ મેરજા તેમજ મોરબી જિલ્લા ભાજપના માજી મહામંત્રી નિર્મલભાઈ જારીયા, ડેપ્યુટી મેયર ચિરાગભાઈ રાણપરા, સ્ટેન્ડિંગ કમિટી ચેરમેન જયંતિભાઈ પડસુંબિયા, માળીયા શહેર ભાજપના પ્રભારી ચંદુભાઈ હુંબલ, પ્રદીપભાઈ વાળા, જયુભા જાડેજા, જયંતિભાઈ પટેલ, કે.કે. પરમાર, ધર્મેન્દ્રભાઈ કંઝારીયા, નલિનભાઈ ભટ્ટ, રાજેશભાઈ ભિમાણી, જલભાઈ રાઠોડ, કાજલબેન ચંડીભમર, નિર્મળાબેન હડીયલ, જીતુભાઈ પટેલ,  સહિતના આગેવાનો, હોદ્દેદારો, મહાનગરપાલિકાના પદાધિકારીઓ તેમજ કોર્પોરેટરો અને કાર્યકર્તાઓ હાજર રહ્યા હતા.