ટંકારાના મોટા ખીજડીયા ગામે વાડીએ ઝેરી દવા પી ગયેલ યુવાનનું સારવારમાં મોત:  મોરબીના જીકિયારી ગામે ઉલ્ટી-ઊબકા બાદ 9 વર્ષના બાળકનું મોત

ટંકારાના મોટા ખીજડીયા ગામે વાડીએ રહીને મજૂરી કામ કરતા યુવાને કોઈ કારણોસર ઝેરી દવા પી લેતા તેને સારવાર માટે રાજકોટ સિવિલ હોસ્પિટલ સુધી લઈ ગયા હતા જો કે, સારવાર કારગત ન નિવડતા તે યુવાનનું મોત નીપજ્યું હતું અને આ બનાવની ટંકારા પોલીસને જાણ કરવામાં આવી છે જ્યારે મોરબી તાલુકાના જીકિયારી ગામે રહેતા નવ વર્ષના બાળકને ઉલટી ઉબકા થયા બાદ તેનું મોત નીપજયું હતું જેથી આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે આગળની કાર્યવાહી હાથ ધરી હતી

મૂળ મધ્યપ્રદેશના રહેવાસી અને હાલમાં ટંકારા તાલુકાના મોટા ખીજડીયા ગામે મયુરસિંહની વાડીએ રહેતા અને મજૂરી કામ કરતા અનિલભાઈ રમેશભાઈ પંચોલી (25) એ કોઈ અગમ્ય કારણોસર પોતે પોતાની જાતે વાડીએ હતો ત્યારે ત્યાં ઝેરી દવા પી લીધી હતી જેથી તે યુવાનને સારવાર માટે પ્રથમ ટંકારાની ખાનગી હોસ્પિટલમાં લઈને ગયા હતા અને ત્યારબાદ તેને વધુ સારવાર માટે રાજકોટની સિવિલ હોસ્પિટલે લઈ ગયા હતા ત્યાં ચાલુ સારવાર દરમિયાન તે યુવાનનું મોત નીપજ્યું હતું જેથી આ બનાવની મૃતક યુવાનના પિતા રમેશભાઈ લાલસિંહ પંચોલી (46) રહે. હાલ મોટા ખીજડીયા વાળાએ ટંકારા તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

જ્યારે મોરબી તાલુકાના જીકિયારી ગામે રહેતા રાજેશભાઈ સોલંકી નામના યુવાનના નવ વર્ષના દીકરા ક્રિષ્ના સોલંકીને કોઈ કારણસર ઉલટી ઊબકા થવા લાગ્યા હતા અને તે બાળકનું મોત નીપજ્યું હતું જેથી તેના મૃતદેહને પીએમ માટે મોરબીની સરકારી હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી