મોરબી શહેર-તાલુકામાં વાહન-ઘરફોડ ચોરી કરતી ગેંગનો વધુ એક સાગરીત પકડાયો: 2 ની શોધખોળ

મોરબી અગાઉ ચોરાઉ બાઇક સાથે એક આરોપી પકડાયો હતો તે ગુનામાં વધુ એક આરોપીને પકડવામાં આવેલ છે અને આ ગુનામાં વધુ 2 આરોપીને પકડવા માટે તજવીજ ચાલી રહી છે. 

મોરબી તાલુકા પોલીસની ટીમે અગાઉ ધરમપુર રોડ ઉપરથી ચોરાઉ બાઇક સાથે એક શખ્સને પકડવામાં આવેલ હતો અને તેની પાસે રહેલું બાઇક નંબર જીજે 36 એક્યુ 6410 વાવડી ગામ પાસેથી ચોરી કરેલ હોવાનું ત્યારે સામે આવ્યું હતું તેમજ પીપળી ગામ પાસે આવેલ સોસાયટીના ઘરમાંથી પણ ચોરી કરી હોવાનું આરોપી મુકેશ ઇલામસિંગ સિંગારે કાબુલ કર્યું હતું જેથી પોલીસે ત્યારે તેની પાસેથી 1,16,000 ની કિંમતનો મુદ્દામાલ કબજે કર્યો હતો અને તેની પૂછપરછમાં ત્રણ શખસોના નામ સામે આવ્યા હતા તે પૈકીનાં આરોપી કલમસિંગ ઉર્ફે કલમસિંગ ઉર્ફે ભાયા કેલસિંહ અલાવા (34) રહે. બગોલી કાંજી ફળિયું નરવાલી કુકસી ધાર એમપી વાળાની ધરપકડ કરેલ છે અને આગળની કાર્યવાહી કરેલ છે અને આ ગુનામાં હજુ કેરૂભાઇ કેશભાઇ સિંગર અને હેમતભાઇ રહે, બંને કુકસી જિલ્લો ધાર એમપી વાળાને પકડવા માટેની તજવીજ ચાલી રહી છે.