ટંકારાના નેકનામ પડધરી રોડ ઉપર અજાણ્યા વાહન ચાલકે બાઇકને હડફેટે લેતા આધેડનું મોત

ટંકારાના નેકનામ પડધરી રોડ ઉપર આવેલ કારખાના સામેથી આધેડ પોતાનું બાઈક લઈને પસાર થઈ રહ્યા હતા ત્યારે કોઈ અજાણ્યા વાહન ચાલકે તેના બાઇકને હડફેટે લેતા અકસ્માતનો બનાવ બન્યો હતો જે બનાવમાં આધેડને માથાના ભાગે ગંભીર ઇજા થઈ હોવાથી તેનું મોત નિપજ્યું હતું અને અકસ્માત સર્જનાર વાહન ચાલક સ્થળ ઉપરથી પોતાનું વાહન લઈને નાસી છૂટ્યો હોય આ બનાવ સંદર્ભે મૃતક આધેડના ભાઈએ નોંધાવેલ ફરિયાદ આધારે ટંકારા તાલુકા પોલીસે ગુનો નોંધીને આગળની કાર્યવાહી હાથ ધરી છે

પડધરી તાલુકાના દહીસરડા ગામના રહેવાસી દેવજીભાઈ છનાભાઈ ચાવડા (50)એ અજાણ્યા વાહન ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે તેઓના મોટાભાઈ ભાનુભાઈ છનાભાઈ ચાવડા પોતાનું બાઇક નંબર જીજે 3 આરઆર 6049 લઈને નેકનામ પડધરી રોડ ઉપર આવેલ કારખાના સામેથી પસાર થઈ રહ્યા હતા ત્યારે તેઓના બાઈકને કોઈ અજાણ્યા વાહન ચાલકે હડફેટે લેતા અકસ્માતનો બનાવ બન્યો હતો જે બનાવમાં ફરિયાદીના ભાઈને માથાના ભાગે ગંભીર ઇજા થઈ હતી જેથી તેનું મોત નીપજ્યું હતું અને અકસ્માત સર્જનાર વાહન ચાલક સ્થળ ઉપરથી પોતાનું વાહન લઈને નાસી છૂટ્યો હતો જેથી આ બનાવ સંદર્ભે હાલમાં મૃતક આધેડના ભાઈએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે