હળવદના કાવડિયા ગામે વાડીએ જતાં સમયે નીચે પડવાથી માથામાં ગંભીર ઇજા પામેલ વૃદ્ધનું મોત

હળવદના કાવડિયા ગામે દીકરાએ મજૂરી કામ માટે રાખેલી વાડીએ જઈ રહેલા વૃદ્ધ રસ્તામાં કોઈ કારણસર પગ લપસી જવાના કારણે નીચે પડ્યા હતા ત્યારે ડાબા કાન અને માથાની ડાબી બાજુએ પાછળના ભાગમાં ગંભીર ઇજા થઈ હતી જેથી વૃદ્ધનું મૃત્યુ નીપજયું હતું અને તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવની હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ છોટાઉદેપુર જિલ્લાના રહેવાસી અને હાલમાં સુરેન્દ્રનગર જિલ્લાના ધાંગધ્રા તાલુકાના સોલડી ગામે વાડીએ રહીને મજૂરી કામ કરતા શંકરભાઈ ગુલજીયાભાઇ ઘાણેક (60) નામના વૃદ્ધ હળવદ તાલુકાના કવાડિયા ગામની સીમમાં તેના દીકરા સુલતાનભાઇ ધાણેકે મજૂરી પેટે રાખેલ વાડીએ ચાલીને જતા હતા ત્યારે રસ્તામાં ચાલતા ચાલતા કોઈ કારણોસર તેનો પગ લપસી જવાના કારણે તે પડી ગયા હતા અને પથ્થર સાથે માથું અથડાયું હતું જેથી તેઓને ડાબા કાન તથા માથાની ડાબી બાજુએ ગંભીર ઇજા થઈ હતી જેથી તેનું મોત નિપજ્યું હતું ત્યારબાદ તેના મૃતદેહને પીએમ માટે હળવદની સરકારી હોસ્પિટલ ખાતે લઈને આવ્યા હતા અને આ બનાવની મૃતક વૃદ્ધના દીકરા સુલતાનભાઈ શંકરભાઈ ધાણેક (30) રહે. હાલ દાનુભાઈ ડોડીયાની વાડીએ કવાડિયા વાળાએ હળવદ તાલુકા પોલીસ સ્ટેશન ખાતે જાણ કરતા પોલીસ અકસ્માત મૃત્યુના બનાવની નોંધ કરી આગળની કાર્યવાહી હાથ ધરી હતી.