માળીયા (મી) નજીક ટ્રક ટ્રેલરની પાછળના ભાગમાં બલ્કર અથડાતાં વાહન ચાલકનું મોત

મોરબી કંડલા બાયપાસ રોડ ઉપર આવેલ દેવ સોલ્ટ કારખાના સામેથી યુવાન પોતાના હવાલા વાળું ટ્રક ટ્રેલર લઈને પસાર થઈ રહ્યો હતો ત્યારે પાછળથી આવી રહેલ બલ્કરના ચાલકે તેનું વાહનની ટ્રક ટ્રેલરની પાછળના ભાગમાં અથડાવ્યું હતું જેથી અકસ્માતનો બનાવ બન્યો હતો આ બનાવમાં બલ્કરના ચાલકને શરીરે ગંભીર ઇજા થઈ હોવાના કારણે તેનું મોત નીપજ્યું હતું આ બનાવ સંદર્ભે હાલમાં ટ્રક ટ્રેલરના ચાલકની ફરિયાદ લઈને પોલીસે ગુનો નોંધી આગળની કાર્યવાહી હાથ ધરી છે

મૂળ રાજસ્થાનના રહેવાસી મદનસિંહ રતનસિંહ રાવત (31)એ હાલમાં માળિયામાં તાલુકા પોલીસ સ્ટેશન ખાતે મૃતક ઇસ્માઈલ હાસમભાઇ સુમરા રહે. ડુમરા તાલુકો અબડાસા જિલ્લો કચ્છ વાળાની સામે ફરિયાદ નોંધાવેલ છે જેમાં જણાવ્યુ છે કે, મોરબી કંડલા નેશનલ હાઈવે રોડ ઉપર દેવ સોલ્ટ નામના કારખાનાની સામેના ભાગમાંથી મૃતક પોતાના હવાલા વાળું બલકર નંબર જીજે 12 બીવાય 9666 લઈને પસાર થઈ રહ્યો હતો ત્યારે બીજાની જિંદગી જોખમ તે રીતે વાહન ચલાવીને ફરિયાદીના ટ્રક ટ્રેલર નંબર જીજે 12 બીડબલ્યુ 6617ની પાછળના ભાગમાં પોતાનું બલ્કર અથડાવ્યું હતું અને અકસ્માત કર્યો હતો જે બનાવમાં મૃતકને શરીરે ગંભીર ઇજાઓ થઈ હોવાના કારણે તેનું મોત નીપજ્યું હતું અને તેના મૃતદેહને પીએમ માટે હોસ્પિટલે લઈ ગયા હતા આ બનાવ સંદર્ભે હાલમાં પોલીસે ગુનો નોંધીને રાબેતા મુજબની કાર્યવાહી હાથ ધરી છે