વાંકાનેરમાં યુવાન પાસેથી જમીન-ગાડી પડાવી લીધા તો પણ વ્યાજની પઠાણી ઉઘરાણી: બે સામે નોંધાયો ગુનો
Morbi Today
મોરબીમાં પ્રેમિકા સાથે માથાકૂટ કરનાર શખ્સને રોકવા ગયેલા વ્યક્તિના દીકરાને છરીનો ઘા ઝીકયો
SHARE
JOIN OUR GROUP
મોરબીમાં પ્રેમિકા સાથે માથાકૂટ કરનાર શખ્સને રોકવા ગયેલા વ્યક્તિના દીકરાને છરીનો ઘા ઝીકયો
મોરબીમાં કડીયા બોર્ડીંગ પાસે એક શખ્સ યુવતીની સાથે માથાકૂટ કરતો હતો જેથી કરીને તેને માથાકૂટ ન કરવાનું કહેતા આ મારી પ્રેમિકા છે તમારે શું લેવા દેવા તેવું કહીને વચ્ચે પડેલા વ્યક્તિને સાથે તે શખ્સે માથાકૂટ શરૂ કરી હતી ત્યાર બાદ છરી વડે તેના ઉપર હુમલો કર્યો હતો ત્યારે વચ્ચે આવેલા વ્યક્તિનો દીકરો આડો પડતાં તેને વાંસાના ભાગે છરીનો ઘા ઝીકિ દીધો હતો અને જાનથી મારી નાખવાની ધમકી આપી હતી જેથી ઇજા પામેલા સગીરને સારવારમાં લઈ ગયા હતા અને ત્યાર બાદ સગીરે મોરબી બી ડિવિઝન પોલીસે સ્ટેશને ફરિયાદ નોંધાવતાં પોલીસે એક શખ્સોની સામે ફરિયાદ નોંધીને આરોપીને પકડીને આગળની કાર્યવાહી કરેલ છે.
બનાવની જાણવા મળતી માહિતી મુજબ મોરબીમાં સર્કીટ હાઉસ સામેના ભાગમાં આવેલ હરીપાર્ક સોસાયટીના રહેતા દક્ષરાજસિંહ ધર્મેન્દ્રસિંહ ઝાલા જાતે દરબાર (૧૫)એ હાલમાં અમીતભાઈ દીલીપભાઇ સારલા જાતે કોળી રહે. યમુનાનગર શેરી નં. ૩ વાળાની સામે ફરિયાદ નોંધાવી છે જેમાં તેને જણાવ્યુ છે કે, મોરબીમાં કડીયા બોર્ડીંગ પાસે આવેલ ઉમિયા ઇલેક્ટ્રીક નામની દુકાને તે પિતાની સાથે ઘરની પાણીની મોટર લેવા માટે ગયો હતો ત્યારે ત્યારે આરોપી કોઈ છોકરીની સાથે જાહેરમાં માથાકૂટ કરતો હતો જેથી કરીને ફરિયાદીના પિતાએ તેને રોડ ઉપર ઝઘડો કેમ કરો છો તેવું કહેતા આરોપીએ કહ્યું હતું કે તે મારી પ્રેમિકા છે તમારે શું લેવા દેવા તેવું કહીને આરોપી ગાળો આપતો હતો જેથી ફરિયાદીના પિતાએ ગાળો આપવાની ના કહેતા ઢીકાપાટુનો માર માર્યો હતો અને ત્યાર બાદ આરોપી પોતાની પાસે રહેલ છરી ફરિયાદીના પિતાને મારવા જતાં ફરિયાદી વચ્ચે આવ્યો હતો જેથી તેને વાંસાના ભાગે જમણા ખંભા નીચે છરીથી ઈજા કરી હતી જેથી ફરિયાદીને જમણા ખંભા નીચે ટાંકા આવ્યા છે અને ફરિયાદીના પિતાને જાનથી મારી નાખવાની ધમકી આપેલ છે જેથી કરીને સગીરે નોંધાવેલ ફરિયાદ આધારે પોલીસે આઇપીસી કલમ ૩૨૩, ૩૨૪, ૫૦૪, ૫૦૬(૨) જી.પી. એકટ-૧૩૫ મુજબ ગુનો નોંધીને આરોપી અમીતભાઈ દીલીપભાઇ સારલા જાતે કોળી (૧૯) રહે. યમુનાનગર શેરી નં. ૩ વાળાની ધરપકડ કરીને આગળની કાર્યવાહી કરેલ છે.
