મોરબીની તપોવન વિદ્યાલયમાં હેપી પેરેન્ટિંગ વિષય પર સેમિનાર યોજાયો
SHARE
JOIN OUR GROUP
મોરબીની તપોવન વિદ્યાલયમાં હેપી પેરેન્ટિંગ વિષય પર સેમિનાર યોજાયો
મોરબીની તપોવન વિદ્યાલય એન્ડ કોમર્સ સ્કૂલ ખાતે મોટીવેશનલ ટ્રેનર હિતેષભાઈ ઘાટલિયા (લાઈફ પાઠશાલા રાજકોટ) દ્વારા હેપી પેરેન્ટિંગ વિશે પર સેમિનારનું આયોજન કરાયું હતું ત્યારે હિતેષભાઈએ આગવી શૈલી દ્વારા વાલીઓને પેરેન્ટિંગની સમજ આપી હતી આ સેમિનારમાં વાલીઓને બાળકના જન્મથી સ્વતંત્ર પુખ્તાવસ્થા સુધી બાળકને ઉછેરવાની પ્રક્રિયા શું હોઈ શકે, તેનાથી અભિભૂત કરાવ્યા તેમજ પેરેન્ટિંગના આઠ રહસ્યો જેવા કે માતા-પિતાએ પોતાની જાતને બાળકની જગ્યાએ મૂકવી, બાળકો કહીએ એમ કરતા નથી પણ આપણે કરીએ એમ કરે છે, બાળકોની બુદ્ધિ પ્રતિભાને આધારે નવુ શીખવાની શૈલી, બાળકને સજા નહી શિસ્ત આપો, બાળક માટે પિતાનો ક્વોલિટી ટાઇમ, સહાયક અને પ્રેમાળ વાતાવરણ, બાળકને સંસ્કાર પાંખો અને હિંમત આપો વગેરે જેવા રહસ્યોથી વાલીઓને પરિચય કરાવ્યો હતો. તેમજ પેરેન્ટિંગ એક કળા છે અને એ સમજ વિકસાવી જોઈએ. આ પ્રસંગે શાળાના ચેરમેન અશોકભાઈ રંગપરીયા, આચાર્ય નરેશભાઈ સાણજા તેમજ સંચાલક દિપ્તીબેન રંગપરિયા દ્વારા હાર્દિક શુભકામનાઓ પાઠવવામાં આવી છે.
