હળવદના કડીયાણાથી માથક જવાના રસ્તે બાઈકના સ્ટેરિંગનો કાબૂ ગુમાવતાં ઇજા પામેલા યુવાનનું મોત

હળવદ તાલુકાના કડીયાણાથી માથક જવાના રસ્તા ઉપરથી બાઇક લઈને પસાર થતા યુવાને પોતાના બાઈકના સ્ટેરીંગ ઉપરથી કાબુ ગુમાવ્યો હતો જેથી કરીને તે બાઈક ઉપરથી નીચે પડતા માથાના ભાગે ગંભીર ઇજા થયેલ હતી જેથી તે યુવાનનું મોત નિપજાયું હતું હાલમાં અકસ્માત મૃત્યુના બનાવમાં મૃતક યુવાનના ભાઈની ફરિયાદ લઈને પોલીસે રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ હળવદ તાલુકાના રણછોડગઢ ગામે રહેતા રતાભાઇ ગોરધનભાઈ દલસાણીયા જાતે કોળી (૩૫) પોતાનું બાઈક નં જીજે ૬ એકે ૦૬૭૪ લઈને હળવદ તાલુકાના કડિયાણાથી માથક તરફ જવાના રસ્તા ઉપરથી પસાર થઈ રહ્યા હતા ત્યારે તેણે પોતાના બાઈકના સ્ટેરીંગ ઉપરથી કાબુ ગુમાવ્યો હતો જેથી કરીને તે બાઈક ઉપરથી નીચે પટકાતા માથાના ભાગે ગંભીર ઇજા થવાથી રતાભાઈ દલસાણીયાનું મોત નીપજ્યું હતું આ બનાવમાં હાલમાં મૃતક યુવાનના ભાઈ ભરતભાઈ ગોરધનભાઈ દલસાણીયા જાતે કોળી (૪૦) રહે. રણછોડગઢ વાળાની ફરિયાદ લઈને પોલીસે આગળની રાબેતા મુજબની કાર્યવાહી હાથ ધરી છે