મોરબીનો મુખ્યમંત્રી ઔદ્યોગિક શ્રમયોગી અને ઇન્ડસ્ટ્રીયલ હાઉસીંગ આવાસ (મસીહા) યોજનામાં સમાવેશ
Morbi Today
વાંકાનેરનાં પૂર્વ નગરપતિ આયોજિત રાસ ગરબાના સમાપન સમારોહમાં ઈનામો - સન્માનપત્ર અર્પણ કરાયા
SHARE
JOIN OUR GROUP
વાંકાનેરનાં પૂર્વ નગરપતિ આયોજિત રાસ ગરબાના સમાપન સમારોહમાં ઈનામો - સન્માનપત્ર અર્પણ કરાયા
(કેતન ભટ્ટી દ્વારા) : વાંકાનેરનાં ટાઉનહોલ ખાતે નવરાત્રિ અંતર્ગત પૂર્વ નગરપતિ દ્વારા યોજાયેલ ભવ્ય રાસ ગરબા મહોત્સવ ગઈ કાલે સંપન્ન થયો હતો અને વિજેતા બહેનોને હજારોનાં રોકડ પુરસ્કાર તથા સન્માનપત્ર અર્પણ કરવામાં આવ્યાં હતાં.
પૂર્વ નગરપતિ જીતુભાઈ સોમાણી દ્વારા ટાઉન હોલ ખાતે નવરાત્રિ અંતર્ગત ભવ્ય રાસગરબા મહોત્સવ સ્પર્ધાનું આયોજન કરવામાં આવ્યું હતું, સ્પર્ધા દરમ્યાન વિવિધ કેટેગરીમાં વિજેતા બહેનોને રોકડ પુરસ્કાર આપવામાં આવ્યાં હતાં, ભાતીગળ વેશભૂષા, આભૂષણો સાથે સજ્જ બહેનોએ રાસ ગરબાની રમઝટ બોલાવી હતી, માં નવદુર્ગાની આરાધના રૂપી આ ભવ્ય મહોત્સવમાં સમગ્ર વાંકાનેર શહેરનાં બહેનોએ હોશભેર ભાગ લીધો હતો, અને અંતિમ દિવસે આ મહોત્સવમાં ભાગ લેનાર બહેનોને સન્માનપત્ર અર્પણ કરવામાં આવ્યાં હતાં, તથા ગરબી મંડળની બાળાઓને સોનાની ચૂક તથા બૂટીની લ્હાણી આપવામાં આવી હતી, પૂર્વ નગરપતિ જીતુભાઈ સોમાણી દ્વારા આવું સુંદર અને શિસ્તબધ આયોજન કરવામાં આવતાં શહેરીજનો દ્વારા શુભેચ્છાનો ધોધ વરસાવવામાં આવ્યો હતો.
