મોરબી પરશુરામ ધામ ખાતે બ્રહ્મ સામજ દ્વારા રાજ્યના મંત્રી બ્રિજેશ મેરજાનું કરાયુ સન્માન
Morbi Today
મોરબીનો મુખ્યમંત્રી ઔદ્યોગિક શ્રમયોગી અને ઇન્ડસ્ટ્રીયલ હાઉસીંગ આવાસ (મસીહા) યોજનામાં સમાવેશ
SHARE
JOIN OUR GROUP
મોરબીનો મુખ્યમંત્રી ઔદ્યોગિક શ્રમયોગી અને ઇન્ડસ્ટ્રીયલ હાઉસીંગ આવાસ (મસીહા) યોજનામાં સમાવેશ
ગુજરાત શ્રમયોગી કલ્યાણ બોર્ડ હસ્તકની મુખ્યમંત્રી ઔદ્યોગિક શ્રમયોગી અને ઇન્ડસ્ટ્રીયલ હાઉસીંગ આવાસ (મસીહા) યોજના અંતર્ગત મોરબી જિલ્લાનો સમાવેશ કરવામાં આવ્યો છે. આ યોજના અંતર્ગત ઔદ્યોગિક શ્રમયોગીઓને રાહત દરે ભાડેથી રહેવા તથા જમવાની સુવિધા પુરી પાડવામાં આવશે. મસીહા યોજનાથી શ્રમજીવીઓને ઔદ્યોગિક વસાહત ખાતે જ રહેવા તથા જમવાની વ્યવસ્થા થતાં જવા-આવવાના સમય તથા ભાડા ખર્ચમાં બચત, શિફ્ટમાં કામ દરમિયાન ભોજન મેળવવાની સરળતા તથા અન્ય પ્રાથમિક સુવિધાઓ ઉપલબ્ધ કરાવવામાં આવશે તેથી શ્રમયોગીઓના માસિક ખર્ચમાં અંદાજે ૫૦ ટકા સુધીનો ઘટાડો થશે.
આ યોજનાની મોરબી જિલ્લામાં સુચારુ રીતે અમલવારી થાય તે અંગે મોરબી જિલ્લા કલેક્ટર કચેરીના સભા ખંડ ખાતે મોરબીના ધારાસભ્ય અને મંત્રી બ્રિજેશભાઇ મેરજાના અધ્યક્ષસ્થાને સમીક્ષા બેઠકનું આયોજન કરવામાં આવ્યું હતું. આ બેઠકમાં PPP પાર્ટનરને ૩૦ વર્ષ માટે ટોકન દરે જમીનની ફાલવણી, બાંધકામ કિંમતના ૩૦ ટકા સબસીડી, રહેણાંક દરે વિજળીની સુવિધા આપવામાં આવશે.આ યોજના અંતર્ગત મોરબી જિલ્લાનો સમાવેશ કરવામાં આવ્યો હોવાથી મોરબી જિલ્લાની ઔદ્યોગિક વસાહતોમાં મસીહા યોજના અંતર્ગતની સુવિધાઓ પ્રાપ્ત થાય તે માટે બેઠકમાં મોરબી સિરામીક એસોસીએશનના વિવિધ હોદ્દેદારો સાથે આગામી સમયમાં મકનસર અને મહેન્દ્રનગર વિસ્તારોમાં જમીન પસંદગી કરીને મસીહા યોજના અંતર્ગત હોસ્ટેલ શરૂ કરવાની પ્રાથમિક કાર્યવાહી હાથ ધરવામાં આવી હતી.
ગાંધીનગરથી એચ.ડી. રાહુલ વેલફેર કમીશનર, ગુજરાત શ્રમયોગી કલ્યાણ બોર્ડ ઉપસ્થિત રહી બેઠકમાં હાજર રહેલ વિવિધ એસોસિએશનના હોદ્દેદારોને યોજના વિશે વિગતવાર માહિતી આપી હતી. અને મોરબીમાં યોજના શરૂ કરવા અંગે વિવિધ મુદ્દે વિસદ ચર્ચા હાથ ધરવામાં આવી હતી.આ બેઠકમાં જિલ્લા કલેક્ટર જે.બી. પટેલ, જિલ્લા વિકાસ અધિકારી પરાગ ભગદેવ, જિલ્લા પોલીસવડા એસ.આર. ઓડેદરા, મોરબી પ્રાંત અધિકારી ડી.એ. ઝાલા, જિલ્લા શ્રમઆયુક્ત ડી.જે. મહેતા, સરકારી શ્રમ અધિકારી મેહુલ હિરાણી, સરકારી શ્રમ અધિકારી ડૉ. ડી.આર. કાનાણી, ડેપ્યુટી ડાયરેક્ટર દ્વિવેદી, આસીસટન્ટ ડાયરેક્ટર આર.એચ. સોલંકી, ફેક્ટરી ઇન્સ્પેક્ટર હર્ષલભાઇ ચોટલીયા, રોજગાર અધિકારી બી.ડી. જોબનપુત્રા, સીરામિક એસોસીએશનના વિવિધ હોદ્દેદારો, આઇટીઆઇના પ્રિન્સીપાલ પરમાર સહિત સંલગ્ન ડિપાર્ટમેન્ટના અધિકારી અને કર્મચારીઓ ઉપસ્થિત રહ્યા હતા
કાયદા અધિકારીની જગ્યા ભરવા માટે કવાયત
મહેસુલ વિભાગ ગુજરાત સરકારના તા.૫-૬-૨૧ ના ઠરાવ થી કલેકટર કચેરી, મોરબી ખાતે ૧૧ (અગિયાર) માસની મુદત માટે કરાર આધારિત કાયદા અધિકારીની ૧ (એક) જગ્યા માટે ઉમેદવાર પાસેથી નિયત નમૂનામા અરજીઓ મંગાવવામાં આવેલ છે. ૪૦ વર્ષથી ઓછી ઉમર ધરાવતા અને કાયદા (સ્પેશ્યલ) ની ડિગ્રી અથવા કેન્દ્ર સરકાર અથવા રાજ્ય સરકાર કાયદા દ્વારા સ્થપાયેલ યુનિવર્સિટીમાં એચ.એસ.સી બાદ કાયદાનો પાંચ વર્ષનો અભ્યાસક્રમ પાસ કરેલ હોવાનું ડિગ્રી અથવા યુનિવર્સીટી ગ્રાન્ટ કમિશન એક્ટ-૧૯૫૬ની કલમ-૩ હેઠળ માન્યતા પ્રાપ્ત યુનિવર્સીટી માંથી મેળવેલ કાયદાની ડિગ્રી ધરાવતા તથા કમ્પ્યુટર ઉપયોગનું પાયાનું જ્ઞાન સાથે ગુજરાતી અને-અથવા હિન્દીનું પુરતું જ્ઞાન ધરવતા ઉમેદવારો અરજી કરી શકશે.આ જગ્યા માટે અરજી કરવા ઇચ્છુક ઉમેદવારોએ કલેકટર કચેરી, જિલ્લા સેવા સદન મોરબીની મેજીસ્ટ્રેરીયલ શાખા ખાતેથી નીયત નમુનામાં અરજી ફોર્મ મેળવી તા.૨૯-૧૦-૨૧ સુધીમાં ફોર્મ ભરી રૂબરૂ, રજી.પો.એડીથી જિલ્લા મેજીસ્ટ્રેટશ્રી, મોરબી જીલ્લા સેવા સદન, પહેલો માળ, જિ. મોરબી ખાતે મોકલી આપવાની રહેશે. આ અંગે વધુ વિગતો માટે કચેરીના નોટીસ બોર્ડ અથવા આ કચેરીની મેજીસ્ટ્રીયલ શાખામાં કચેરી સમય દરમ્યાન રૂબરૂ જોઈ શકાશે.
