મોરબી પાલિકાની ટીમે વેપારીઓની દુકાનોમાંથી પ્રતિબંધિત 400 કિલો પ્લાસ્ટિકનો જથ્થો પકડાયો

મોરબી પાલિકાની ટીમ દ્વારા જુદાજુદા વિસ્તારમાં આવેલ દુકાનોમાં ચેકિંગ કરીને પ્રતિબંધિત પ્લાસ્ટિકનો જથ્થો પકડવામાં આવે છે તેવામાં ચીફ ઓફિસર કુલદીપસિંહ વાળાની સૂચના મુજબ સેનેટરી ઇન્સ્પેક્ટર કૃષ્ણસિંહ જાડેજા અને સ્ટાફ દ્વારા જુદી જુદી દુકાનોમાં ચેકિંગ કરવામાં આવ્યું હતું ત્યારે પ્રતિબંધિત પ્લાસ્ટિકનો 400 કિલો જથ્થો મળી આવેલ હતો જેથી કરીને 34000 નો દંડ કરવામાં આવેલ છે અત્રે ઉલેખનીય છે કે, પાલિકાની ટીમ દ્વારા પ્લાસ્ટિકની દુકાનો, ખાણી પાણીની લારીઓ, દૂધની ડેરી, શાક માર્કેટ વિગેરે જગ્યાએ ચેકિંગ કરવામાં આવ્યું હતું ત્યારે ત્યાંથી પ્રતિબંધિત પ્લાસ્ટિકનો જથ્થો મળી આવેલ છે.