મોરબી સિવિલમાં કોન્ટ્રાકટ બેઇઝ કર્મચારીઓના હક્ક માટે કોંગ્રેસ આંદોલન કરવા તૈયાર

મોરબી શહેર કોંગ્રેસનાં પ્રમુખ પુષ્પરાજસિંહ જાડેજા અને અન્ય હોદેદારો દ્વારા સિવિલમાં કામ કરતાં વર્ગ ૩-૪ નાં કોન્ટ્રાકટ બેઇઝ કર્મચારીઓની સાથે ચર્ચા કરીને તેનો પ્રશ્નો જાણ્યા હતા જેમાં તેઓને વર્ષે મળતી ૨૪ હક્ક રજાઓનાં પૈસા મળવા પાત્ર છે એ કોન્ટ્રાકટ એજન્સીઓ દ્વારા ચાલુ વર્ષે કર્મચારીઓને આપવામાં આવેલ નથી જેથી કરીને તે પૈસા તાત્કાલીક અસરથી ચુકવવામાં આવે તે માટેની મોરબી સીવીલ હોસ્પિટલ ખાતે સીવીલ હોસ્પિટલના અધિક્ષક ડો. પ્રદીપ દુધરેજીયાને રજુઆત કરી હતી અને આ કર્મચારીઓનું શોષણ ન થાય અને તેઓને તેમનાં હક મળે તેનાં માટે કોંગ્રેસ પક્ષ દ્વારા આગામી દિવસોમાં તમામ પ્રકારની લડત કરવામાં આવશે તેવી ચીમકી ઉચ્ચારી છે.