મોરબી નજીક કારખાનાના કવાર્ટરમાં યુવાને ન કરવાનું કરી નાખ્યું
Morbi Today
વાંકાનેરના પંચાસિયા પાસેથી 27,840 બોટલ દારૂ પકડવાના ગુનામાં મુખ્ય સૂત્રધાર ઝડપાયો: સાત દિવસના રિમાન્ડ મંજૂર
SHARE
JOIN OUR GROUP
વાંકાનેરના પંચાસિયા પાસેથી 27,840 બોટલ દારૂ પકડવાના ગુનામાં મુખ્ય સૂત્રધાર ઝડપાયો: સાત દિવસના રિમાન્ડ મંજૂર
વાંકાનેર તાલુકા પોલીસએ બાતમી આધારે ગત ઓગસ્ટ માહિનામાં પંચાસીયા ગામની સીમમાં રેડ કરી હતી. ત્યારે દારૂનું કટીંગ કરવા થાય તે પહેલા જ ટ્રક પકડવામાં આવેલ હતો અને જો કે ત્યારે રેકીમાં રહેલ કાર અને ટ્રકનો ડ્રાઇવર ભાગી ગયા હતા પરંતુ એક આરોપીની 56.63 લાખના દારૂ સાથે ધરપકડ કરી હતી અને ત્યાર બાદ વધુ ત્રણ આરોપીને પકડવામાં આવ્યા હતા અને હાલમાં આ ગુનામાં અધિકારી દ્વારા મુખ્ય સૂત્રધારની ધરપકડ કરીને કોર્ટમાં રજૂ કરીને તેના સાત દિવસના રિમાન્ડ મેળવવામાં આવેલ છે.
ગત ઓગસ્ટ માહિનામાં વાંકાનેર તાલુકા પોલીસ પીએસઆઇ એલ.એ. ભરગા અને સ્ટાફના ચમનભાઈ ચાવડા, સંજયસિંહ જાડેજા અને અજયસિંહ ઝાલાને મળેલ બાતમી આધારે પંચાસીયા ગામની સીમમાં વાંકીયાથી જડેશ્વર જતા કાચા રસ્તા ઉપર ગુલમહમદ બ્લોચની વાડીના ગેઈટ પાસે રેડ કરવામાં આવી હતી ત્યારે અશોક લેલન બંધ બોડીનો ટ્રક નં. આરજે 18 જીકે 0894 મળી આવ્યો હતો જેને ચેક કરવામાં આવતા તે ટ્રકમાંથી દારૂની નાની મોટી કુલ મળીને 27840 બોટલો મળી આવી હતી જેથી કરીને 56,63,100 નો દારૂ અને ટ્રક મળીને પોલીસે 80,63,100 નો મુદામાલ કબજે કરવામાં આવ્યો હતો અને ત્યારે સ્થળ ઉપરથી યાસીનભાઈ રહીમભાઈ સમા રહે. રાજકોટ વાળાની ધરપકડ કરી હતી ત્યાર બાદ આ ગુનામાં પોલીસે ક્રમશઃ વધુ ત્રણ આરોપીને પકડવામાં આવ્યા હતા અને દારૂ મંગાવનારા બંને આરોપી સહિતના આરોપી પકડવાના બાકી હતા તેવામાં દારૂનો આ જથ્થો મંગાવનાર આરોપી સાજીદ ઉર્ફે ચકો ઉમરભાઇ ચાનીયા કોર્ટમાં સરેન્ડર થયો હતો જેથી કરીને વાંકાનેર તાલુકા પોલીસે આરોપીનો કબ્જો લઈને તેની ધરપકડ કરી હતી અને ત્યાર બાદ રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપી સાજીદ ઉર્ફે ચકો ઉમરભાઇ ચાનીયા (34) રહે. કાલિકા પ્લોટ મોરબી વાળાના સાત દિવસના રિમાન્ડ મંજૂર કરેલ છે. તેવું માહિતી તપાસનીસ અધિકારી પીએસઆઈ એલ.એ.ભરગા પાસેથી મળેલ છે અને આ ગુનામાં હજુ દારૂ મંગાવનાર જાવીદ કરીમભાઇ કાથરોટીયા રહે. રાજકોટ વાળાને પકડવાનો બાકી છે જેથી તેને પકડવા માટેની તજવીજ ચાલી રહી છે.
