મોરબી નજીક રોંગ સાઈડમાં બાઇક લઈને જઇ રહેલ યુવાન ડમ્પરની નીચે આવી જતાં મોત

મોરબી વાંકાનેર નેશનલ હાઇવે રોડ ઉપર આવેલ અશ્વમેઘ કાંટા પાસેથી રોંગ સાઈડમાં બાઈક લઈને યુવાન પસાર થઈ રહ્યો હતો ત્યારે સામેથી આવી રહેલા ડમ્પર સાથે તેનું બાઈક અથડાતા ડમ્પરની નીચે યુવાન આવી ગયો હતો અને તેને માથામાં તેમજ શરીરે ગંભીર ઈજા થવાથી તે યુવાનનું મોત નીપજયું હતું અને આ બનાવ સંદર્ભે હાલમાં પોલીસે મૃતક યુવાન સામે ગુનો નોંધીને રાબેતા મુજબની કાર્યવાહી હાથ ધરી છે

મૂળ એમપીનો રહેવાસી અને હાલમાં વાંકાનેર નજીક આવેલ સાનવી પ્લાસ્ટિક ઇન્ડસ્ટ્રીઝ નામના કારખાનાના લેબર ક્વાર્ટરમાં રહેતો આકાશ કાલુભાઈ ભાભર (25) નામનો યુવાન બાઈક નંબર એમપી 11 એનજે 0330 લઈને મોરબી વાંકાનેર નેશનલ હાઇવે રોડ ઉપર આવેલ અશ્વમેઘ કાંટા પાસેથી રોંગ સાઈડમાં પસાર થયો હતો ત્યારે સામેના ભાગેથી આવી રહેલા ડમ્પર નંબર જીજે 9 એવી 2423 ની સાથે તેનું બાઈક અથડાયું હતુ અને અકસ્માત થયો હતો જે બનાવમાં યુવાન ડમ્પરની નીચે આવી ગયો હતો જેથી તેને માથા તથા શરીરે ગંભીર ઇજા થઈ હોવાથી તેનું મોત નીપજ્યું હતું અને આ બનાવ સંદર્ભે હાલમાં પોલીસે સુખરામભાઇ મુન્નાભાઈ ઉર્ફે ઓમભાઈ બોરોલે (30) રહે. હાલ સાનવી પ્લાસ્ટિક ઇન્ડસ્ટ્રીઝ લેબર ક્વાર્ટરમાં વાંકાનેર મૂળ રહે એમપી વાળાની ફરિયાદ લઈને મૃતક યુવાન સામે ગુનો નોંધી રાબેતા મુજબની કાર્યવાહી હાથ ધરી છે