મોરબી નજીક ગોડાઉનમાંથી 17,514 બોટલ દારૂ સાથે પડકાયેલા ચાર આરોપીના પાંચ દિવસના રિમાન્ડ મંજૂર 

એસએમસીની ટિમ દ્વારા શનાળા ગામે ભૂમિ ગોડાઉનમા એસએમસીની ટીમે રેડ કરીને 17,514 દારૂની બોટલ સહિત કુલ મળીને 1.11 કરોડથી વધુના મુદામાલ કબજે કરવામાં આવેલ હતો અને ચાર આરોપીને પકડ્યા હતા અને મોરબી એ ડિવિઝન પોલીસ સ્ટેશન ખાતે 11 શખ્સોને સામે ગુનો નોંધાયેલ હતી જે ગુનામાં પકડાયેલ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીઓના પાંચ દિવસના રિમાન્ડ મંજૂર કરેલ છે.

મોરબીના શનાળા ગામની સીમમાં આવેલ આનંદ પાર્ટી પ્લોટની પાછળના ભાગમાં આવેલ ભૂમિ ગોડાઉનમા એસએમસીની ટીમે દારૂની રેડ કરી હતી ત્યારે સ્થળ ઉપરથી 17,514 દારૂની બોટલ તેમજ વાહનો સહિતનો અન્ય મુદામાલ મળીને કુલ 1,11,94,212 નો મુદામાલ કબજે કરેલ હતો અને સ્થળ ઉપરથી ચાર આરોપીને પકડવામાં આવ્યા હતા તેમજ મુખ્ય સૂત્રધાર સહિત કુલ 11 શખ્સોની સામે એ ડિવિઝન પોલીસ સ્ટેશનમાં ગુનો નોંધવામાં આવેલ છે જેની તપાસ બી ડિવિઝનના પીઆઇ એન.એ. વસાવાને સોંપવામાં આવેલ છે અને જે ચાર આરોપી મુકેશ મહેન્દ્રકુમાર સિયાક, જસવંતસિંહ રામચંદ ગોદારા, દિનેશ પ્રેમારામ ગુરુ અને પ્રવિણ ભગીરથરામ વરદ રહે. બધા જ રાજસ્થાન વાળાને પકડવામાં આવ્યા હતા તેને રિમાન્ડની માંગણી સાથે મોરબીની કોર્ટમાં રજૂ કરવામાં આવતા કોર્ટે ચારેય આરોપીઓના પાંચ દિવસના રિમાન્ડ મંજૂર કરેલ છે. જેથી દારૂના આ નેટવર્કને ભેદવા માટે અને બાકીના આરોપીઓને પકડવા માટે પોલીસે આગળની તપાસ હાથ ધરી છે.