ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

મોરબીના લક્ષ્મીનગર નજીક ડમ્પર ચાલકે ઇકો ગાડીને ટક્કર મારતા આધેડનું મોત: ત્રણને ઇજા


SHARE







































મોરબીના લક્ષ્મીનગર નજીક ડમ્પર ચાલકે ઇકો ગાડીને ટક્કર મારતા આધેડનું મોત: ત્રણને ઇજા

મોરબી માળીયા હાઇવે રોડ ઉપર આવેલ લક્ષ્મીનગર ગામ પાસે ઓવરબ્રિજ નજીકથી ઇકો ગાડી પસાર થઈ રહી હતી ત્યારે ગાડીને પાછળથી ડમ્પર ચાલકે ટક્કર મારી હતી જેથી અકસ્માતનો બનાવ બન્યો હતો અને અકસ્માતના આ બનાવમાં ઈકો ગાડીમાં બેઠેલા ચાર વ્યક્તિઓને ઇજાઓ થઈ હતી જે પૈકી એક આધેડને ગંભીર ઇજાઓ થઈ હોવાના કારણે તેનું સારવાર દરમિયાન મોત નીપજયું હતું જેથી હાલમાં ઇજાગ્રસ્ત યુવાનની ફરિયાદ લઈને પોલીસે ડમ્પરના ચાલક સામે ગુનો નોંધી આરોપીને પાડવા માટે તજવીજ શરૂ કરી છે

જાણવા મળતી માહિતી પ્રમાણે મૂળ ઉત્તરપ્રદેશના રહેવાસી અને હાલમાં વાંકાનેર તાલુકાના રાતાવિરડા નજીક આવેલ દિયાન પેપરમીલના લેબર કવાર્ટરમાં રહેતા અને ડ્રાઇવિંગ કરતા વિનોદકુમાર અશોકકુમાર કુર્મી (22) નામના યુવાને ડમ્પર નંબર જીજે 39 ટી 1334 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે મોરબી માળિયા હાઇવે રોડ ઉપર આવેલ લક્ષ્મીનગર ગામ પાસે ઓવરબ્રિજ નજીકથી ફરિયાદી તેની ઈકોગાડી નંબર જીજે 36 એએફ 0684 લઈને પસાર થઈ રહ્યા હતા ત્યારે તેની ઈકોગાડીની પાછળના ભાગમાં ડમ્પર ચાલકે પોતાનું વાહન અથડાવ્યું હતું જેથી અકસ્માતનો બનાવ બન્યો હતો અને અકસ્માતના બનાવમાં ફરિયાદી ઉપરાંત ગાડીમાં બેઠેલા સંજુસિંહ ઠાકોર, ઉમેશ યાદવ અને શિવઅવતાર વર્માને ઈજાઓ થઈ હતી જેમાં શિવઅવતાર મંગાભાઈ વર્મા (50)ને ગંભીર ઇજાઓ થઈ હોવાથી તેનું સારવાર દરમિયાન મોત નીપજ્યું હતું હાલમાં ઇજાગ્રસ્ત યુવાને નોંધાવેલ ફરિયાદ આધારે પોલીસે ડમ્પરના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે અને વધુમાં ફરિયાદી સાથે વાત કરતાં તેને જણાવ્યુ હતું કે, તેની ગાડીમાં બેઠેલા સંજુસિંહ ઠાકોર, ઉમેશ યાદવ અને શિવઅવતાર વર્મા ગાળા ગામ નજીક આવેલ અતિથિ પેપર મિલમાં હતા ત્યારે ત્યાં ઝઘડો કર્યો હતો જેથી કરીને તે ત્રણેયને મોરબી તાલુકા પોલીસ સ્ટેશને બોલાવેલ હોવાથી તેને પોતાની ગાડીમાં બેસાડીને ત્યાં લઈને જતો હતો ત્યારે અકસ્માતનો બનાવ બનેલ છે.
















Latest News